影片
更多
2022-10-07
745 浏览
中环近年开咗好多新派居酒屋，全部都系以fusion为主题。今次嚟到都系欢呼声好高嘅Censu，试下系咪真系咁好食！佢嘅位置系喺歌赋街，邻近九记牛腩，老实讲都几嘥脚骨力，𠮶日去到见到好多人都行到身水身汗🤣不过门口设计好有日式风情，隔离仲有一个小小嘅窿仔比客人坐低食烟，几贴心。餐厅座位唔算多，以高枱同吧枱为主。当日场内见到有好多一大班嘅朋友喺度叙旧饮酒，相当热闹同有气氛！温馨提示，星期五、六、日同公众假期嚟食系有最低消费，人均要$650，佢打电话嚟confirm Booking嘅时候都会讲埋。餐牌有a la carte同omakase拣，大家可以自由选择🤗我哋当日系拣咗a la carteyster唔记得当日系咩蚝了，但真系劲大只劲肥美。重点系，连我呢个好怕腥嘅人，竟然可以喺唔用柠檬汁嘅情况下，成只食落肚，仲要系完全冇夹硬食落去感觉🤣证明佢真系新鲜！我哋一共叫咗三只，因为要凑够数😂Potato SaladThe best potato salad in town!!首先要赞嘅系佢头嘅炸薯片，超薄超脆超新鲜！而佢嘅沙律系以薯蓉为主角，劲绵滑好易入口，仲加咗少少酸醋去调味，降低咗个饱腻感。沙律
佢嘅位置系喺歌赋街，邻近九记牛腩，老实讲都几嘥脚骨力，𠮶日去到见到好多人都行到身水身汗🤣不过门口设计好有日式风情，隔离仲有一个小小嘅窿仔比客人坐低食烟，几贴心。
餐厅座位唔算多，以高枱同吧枱为主。当日场内见到有好多一大班嘅朋友喺度叙旧饮酒，相当热闹同有气氛！
温馨提示，星期五、六、日同公众假期嚟食系有最低消费，人均要$650，佢打电话嚟confirm Booking嘅时候都会讲埋。餐牌有a la carte同omakase拣，大家可以自由选择🤗
我哋当日系拣咗a la carte:
Oyster
唔记得当日系咩蚝了，但真系劲大只劲肥美。重点系，连我呢个好怕腥嘅人，竟然可以喺唔用柠檬汁嘅情况下，成只食落肚，仲要系完全冇夹硬食落去感觉🤣证明佢真系新鲜！我哋一共叫咗三只，因为要凑够数😂
Potato Salad
The best potato salad in town!!首先要赞嘅系佢头嘅炸薯片，超薄超脆超新鲜！而佢嘅沙律系以薯蓉为主角，劲绵滑好易入口，仲加咗少少酸醋去调味，降低咗个饱腻感。沙律中间仲加咗啲薯仔粒，令成个前菜更有咬口😜
Flathead Lobster Kataifi
Kataifi，酥皮丝，外型同萝卜丝酥饼有啲似🤣但今次佢入面包住嘅系粒粒龙虾肉，外脆内软，出面仲有啲辣辣哋嘅同酱汁，令成个菜更惹味🥳唯一唔好就系夹嘅时候会好易散开😢
Unagi Burger
好有趣嘅海鳗三文治，但惊喜度好一般。鳗鱼质素尚可，烧汁好食。但外面嘅紫菜太快变淋，冇办法连埋鳗鱼同饭一齐食。同埋呢个菜唔太啱share，一个人食先至可以handle到😂
Unigiri
Uni x onigiri，海胆饭团。就咁当饭食又得，连佢嘅汤一齐当茶渍饭食又得。海胆好新鲜，都好甜，而且份量唔少，可以做到啖啖海胆食落肚🙋♀️不过呢个饭就真系要趁热食，唔系摊冻咗就会变硬，难消化咗。
Almond Tofu
成餐饭以清新嘅杏仁豆腐作结😽阵阵嘅清新柠檬味起咗好好嘅消滞作用。不过盛惠$88，性价比高唔高就见仁见智啦🤣
张贴
