影片
更多
2023-01-19
848 浏览
中环异国风情神秘秘鲁菜初体验🇵🇪ICHU📍中环皇后大道中80号H Queen's 3楼「手会松灯会灭有限期，为何未能让我死去便要认识你 」#黑暗中漫舞 #陈奕迅一向都钟意尝试新野，前排成班朋友话要庆祝生日，要搞搞新意思，唔食平时食开嘅，于是就有人提出咗要嚟试一试中环嘅秘鲁菜。餐厅布置得好贴合南美风格，灯光昏暗之下各种热带雨林嘅布置令人彷忽走入神秘国度，用餐环境几特别。-前菜🥗-Taco de Chancho🌮 4.2/5⭐️上枱摆盘色彩缤纷，卖相非常吸睛，彩色瓷器盛载两份灰色软身Taco饼皮，包住慢煮猪颈肉同埋少少蔬菜同酱汁咁，食落酸中带微辣，几开胃。-Ceviche Mixto 4.1/5⭐️又系一道令人赏心悦目嘅前菜，多种海鲜三文鱼，带子，八爪鱼等切粒堆砌成挞形，中间鲜黄色嘅秘鲁辣椒酱具有画龙点睛嘅效果，捞匀之后一齐入口层次感好丰富，海鲜粒嘅咬口再加上酸汁同辣酱配搭，味道新奇有趣。-主菜🍝-Bistec Argentino 4.2/5⭐️餐厅选用阿根廷肉眼扒，摆盘好有原始风格，火喉控制得唔错，外焦内嫩，而酱汁方面亦都好特别，系类似泰式海鲜汁，咸鲜得嚟又有薄荷叶嘅香气，系一个令人几惊喜嘅
ICHU
📍中环皇后大道中80号H Queen's 3楼
「手会松灯会灭有限期，为何未能让我死去便要认识你 」
#黑暗中漫舞 #陈奕迅
一向都钟意尝试新野，前排成班朋友话要庆祝生日，要搞搞新意思，唔食平时食开嘅，于是就有人提出咗要嚟试一试中环嘅秘鲁菜。餐厅布置得好贴合南美风格，灯光昏暗之下各种热带雨林嘅布置令人彷忽走入神秘国度，用餐环境几特别。
-前菜🥗
-Taco de Chancho🌮 4.2/5⭐️
上枱摆盘色彩缤纷，卖相非常吸睛，彩色瓷器盛载两份灰色软身Taco饼皮，包住慢煮猪颈肉同埋少少蔬菜同酱汁咁，食落酸中带微辣，几开胃。
Taco de Chancho
41 浏览
1 赞好
0 留言
-Ceviche Mixto 4.1/5⭐️
又系一道令人赏心悦目嘅前菜，多种海鲜三文鱼，带子，八爪鱼等切粒堆砌成挞形，中间鲜黄色嘅秘鲁辣椒酱具有画龙点睛嘅效果，捞匀之后一齐入口层次感好丰富，海鲜粒嘅咬口再加上酸汁同辣酱配搭，味道新奇有趣。
Ceviche Mixto
39 浏览
0 赞好
0 留言
-主菜🍝
-Bistec Argentino 4.2/5⭐️
餐厅选用阿根廷肉眼扒，摆盘好有原始风格，火喉控制得唔错，外焦内嫩，而酱汁方面亦都好特别，系类似泰式海鲜汁，咸鲜得嚟又有薄荷叶嘅香气，系一个令人几惊喜嘅配搭。
Bistec Argentino
39 浏览
1 赞好
0 留言
-Tatarin De Mar 4.25/5⭐️
再嚟一道颜色鲜艳嘅墨鱼汁海鲜扁意粉，材料丰富，每碟都有蟹钳，虾肉，青口，龙虾肉等，意粉系我钟意弹牙爽口质感，不过酱汁偏咸咗少少，稍稍扣分。
Tatarin De Mar
33 浏览
0 赞好
0 留言
-甜品🍮
-Chef Dessert Selection 4.1/5⭐️
卖相亦都好新奇，好有民族风，上面系洒咗玉桂粉嘅Cream，再底下系云呢拿雪糕咁，捞匀一齐食唔错，但味道上无乜惊喜。
-饮品🍸
-Chicha Morada 4.25/5⭐️
依杯系秘鲁嘅特色饮品，由当地紫色粟米提练而成，饮落酸酸甜甜兼带少少玉桂香，系第一次试到嘅味道，唔错。
Chicha Morada
32 浏览
0 赞好
0 留言
总结:餐厅主打南美州菜系，第一次试唔太识评论，大部分菜式都颜色缤纷，而且酱汁方面多数以酸辣为主，但就用餐体验嚟讲都唔错，而且餐厅装修布置打灯亦都吸引，不过当晚发现餐厅卫生麻麻，用餐中途发现有小强出现，最后要换枱先解决。另外今餐系朋友请客，就无留意到食物价钱，无论如何，今次都系一个新奇有趣嘅体验。
====
张贴
