珺

营业中

休息中

小时候同家人食素，大多会谂起斋卤味、五柳仙班、罗汉斋炒面。 而家食素就多元化好多，趁green Monday黎试吓中环呢间fusion vegan 餐厅。🍴蕃茄牛油果素蟹肉千层原个凉拌蕃茄清凉爽甜，一刀切开入面红白色既素蟹肉，加上一粒粒既黑醋啫喱，带出鲜味！ 🍴双色芦笋鲜百合炒素鱼翅双色系指青芦笋、白芦笋两者其实同种，白露笋系未吸收阳光，所以质感比较细嫩，味道鲜甜。芦笋可以预防心血管病、有助免疫力。健脾胃既鲜百合，口感爽脆清甜，好时令既配搭，入口好有消暑感觉！金黄闪烁既素鱼翅烟韧弹牙，加埋白灵菇、三色椒颜色更鲜艳！ 🍴黄金素鹅肝球佐松露白汁切开金黄脆球，入面既素鹅肝好creamy，有鹅肝酱香滑既质感，配上松露汁，香味扑鼻！ 🍴玫瑰芥末凤尾虾 素虾系用蒟蒻制成，有哂虾既造型仲有虾红素，有油炸虾既香脆外层。酱汁酸酸甜甜，仲有芥末呛鼻既味道，几醒胃！ 🍴脆皮燕麦奶酥脆炸粒外层，包住燕麦奶球，燕麦奶不含乳糖，啱哂我呢种有乳糖不耐症既人，又可减少碳排放！ 另一款系🍴纯素朱古力蛋糕朱古力味香浓，入口似brownie 既质感，又唔太甜。