麻辣燙

营业中

休息中

本身都钟意食辣嘢，Weekend过咗嚟中环大馆同Soho附近嘅「麻辣烫」食川菜，餐厅灯光用咗昏暗模式，装修古色古香同带啲fashion元素，座位都宽敞舒服，啱同朋友倾吓偈。我哋order咗lunch set，佢个lunch set都几丰富:前菜总共分咗麻、辣、烫三款，有凉拌鸡丝、木耳、茄子、酥炸秋葵同灯影牛肉，三小碟咁摆好精致。前菜各有特色，个人比较钟意灯影牛肉，口感好似牛肉薄脆咁脆卜卜，外层带点咸甜咁几惹味，至于木耳同秋葵都整得爽口汤类就拣咗酸辣汤，入口唔会呛，酸同辣嘅味道拿捏得算平均主菜order咗孜然羊仔柳同水煮牛肉，份量都多，羊仔柳冇咩羊膻味而且肉质软腍，至于食川菜就梗系要食水煮牛肉，牛肉有口感而且整得软腍入味XO酱炒米粉同麻辣素菜炒饭，饭同面都带点麻辣香，而且个米粉几幼几滑仲有姜汁汤圆做甜品，汤圆系芝麻味，配埋个汤圆汤底，饮落都几重姜味，辣辣地又暖笠笠整体餐厅嘅食物摆盘，食材选取，餐厅装修同服务质素都唔错，唯一系佢嘅麻辣比较mild，应该系迎合返中环比较多外国客既口味。如果食得辣嘅朋友，建议可以 order时request加麻辣，应该会更加香口惹味