影片
更多
2022-11-23
1746 浏览
天气终于开始转凉，朋友就提议食蛇羹，佢话想试吓中环老字号店「蛇王芬」。老实讲我之前都只系食过两次蛇🙈，冇乜特别喜好。中环店位于阁麟街，即系喺正半山扶手电梯隔离。我哋成日经过，但帮衬都系第一次。小店环境保留复古气息，而且侍应生仲系一班银发族👴，不经意咁渗出人情味。秋冬鲍鱼烩五蛇羹($140/每碗)，🐍蛇羮最细碗都要成百四蚊，真系唔平，不过确系真材实料。细细碗蛇羹蕴含多种食材，包括蛇肉、鲍鱼、花胶、鸡丝、冬菇、木耳、果皮同笋等。食落味道系唔错，一啲都唔腥，仲有薄脆搭伴，而且质感唔会过于滑潺潺。腊味糯米饭($150/细)，🍚糯米饭配蛇羹系经典组合，只不过周末就冇得嗌套餐，细份量已足够两个人食！糯米饭用足料炒，当中唔少得腊肠、润肠、腊肉同冬菇等，同时我觉得佢炒得好入味，亦唔会浆埋一饼，富油香；但朋友就略嫌唔够干身。厦门炒米粉($80)，🍜炒米大大碟，炒得够镬气，系饱肚之选。米粉面质弹牙，软硬适中，配以适量嘅五柳菜一齐炒，味道甜甜酸酸，几开胃。𩠌方面亦唔少，有好多只虾、火腿同蛋等。蒜蓉椒丝炒A菜($85)，🥦A菜其实即系油麦菜，质感爽脆，用上蒜蓉椒丝炒好稳阵，而且味味清清哋，唔油腻。总括嚟讲，呢
天气终于开始转凉，朋友就提议食蛇羹，佢话想试吓中环老字号店「蛇王芬」。老实讲我之前都只系食过两次蛇🙈，冇乜特别喜好。
中环店位于阁麟街，即系喺正半山扶手电梯隔离。我哋成日经过，但帮衬都系第一次。小店环境保留复古气息，而且侍应生仲系一班银发族👴，不经意咁渗出人情味。
秋冬鲍鱼烩五蛇羹($140/每碗)，🐍蛇羮最细碗都要成百四蚊，真系唔平，不过确系真材实料。细细碗蛇羹蕴含多种食材，包括蛇肉、鲍鱼、花胶、鸡丝、冬菇、木耳、果皮同笋等。食落味道系唔错，一啲都唔腥，仲有薄脆搭伴，而且质感唔会过于滑潺潺。
腊味糯米饭($150/细)，🍚糯米饭配蛇羹系经典组合，只不过周末就冇得嗌套餐，细份量已足够两个人食！糯米饭用足料炒，当中唔少得腊肠、润肠、腊肉同冬菇等，同时我觉得佢炒得好入味，亦唔会浆埋一饼，富油香；但朋友就略嫌唔够干身。
厦门炒米粉($80)，🍜炒米大大碟，炒得够镬气，系饱肚之选。米粉面质弹牙，软硬适中，配以适量嘅五柳菜一齐炒，味道甜甜酸酸，几开胃。𩠌方面亦唔少，有好多只虾、火腿同蛋等。
蒜蓉椒丝炒A菜
$85
28 浏览
0 赞好
0 留言
总括嚟讲，呢日终于一尝喺香港屹立多年嘅老店🇭🇰，果然别有一份情怀。虽然而家冇游客，但都不乏撑场嘅本地客，扶老携幼一同到访。
张贴
