Espuma (M88)

营业中

休息中

今日朋友请食饭，拣咗Espuma 。餐厅位于中环威灵顿街M88，主打西班牙fusion菜，环境舒适，好啱同朋友嚟倾偈谈心。炭烧加拿大天然猪鞍$269猪鞍嘅外层烤得香脆，内里肉质软嫩，肉色粉嫩，入口Juicy，配菜有软滑嘅薯蓉同芦笋，整体唔错。香蒜榄油樱花虾蟹肉腊肉肠意大利面$139意粉弹牙，配搭上香蒜和樱花虾嘅香气同满满鲜味嘅蟹肉，味道层次丰富。巴马风干火腿蘑菇薄饼 $149Pizza系薄饼底嘅，饼底好脆，芝士软糯味道咸香，再加上大大片嘅巴马火腿，令人难以抗拒。招牌鲜果麻糬窝夫拼雪糕$139最后食埋个窝夫，叫咗全份抵啲，颜色好鲜艳，有好多款水果。窝夫外层松脆可口，入面软绵，再加上麻糬烟烟韧韧，口感唔错。雪糕系云呢拿同朱古力，特别喜欢朱古力，朱古力很浓郁，好有惊喜。