Shahrazad Lebanese Dining Lounge & Bar

是日同家人去完大馆参观后，决定喺附近揾间靓餐厅叹个午饭，最后去咗位于大馆附近嘅黎巴嫩餐厅🍴餐厅装潢以蓝色为主调，充满阿拉伯异国风情，墙上以阿拉伯特色图案点缀，相当有格调，就连洗手间嘅设计亦令人眼前一亮，墙上的画作艳丽夺目，叫人忍不住驻足欣赏～餐厅更有面向大馆嘅半露天座位，如果夜晚嚟，我一定会坐喺出面望住靓景食饭！Set Lunch附有餐汤、前菜同甜品，份量十足，我哋都食到撑住肚子离场。餐汤系蘑菇汤，味道非常浓郁。Hummus Beiruti 以芝麻酱、柠檬汁、蒜蓉同番茄调味嘅鹰嘴豆蓉，口感非常顺滑creamy，就咁食都已经好好味，配上彼得包一同食用，就更别有一番风味。口感如英式松饼的彼得包有个口袋，就咁食比较干身，但将酱放入去之后就会美味得多～Sambousek Spinach 呢款中东菠菜馅饼形似咖喱角，皮看似厚身但食落酥脆而软糯，馅料有多汁嘅菠菜同红石榴粒等，味道酸酸甜甜，十分开胃。Chicken Ouzi （$188）我拣咗烤鸡配烟熏阿拉伯米饭，卖相非常诱人😍长条形嘅米饭面头洒上杏仁脆片增加口感，随碟还附上乳酪酱，令鸡肉味道更上一层楼。Mashawy （$278）呢碟阿拉伯式烤羊