影片
更多
2025-02-13
65 浏览
2025年1月22日 星期三今晚同老婆系中环预约咗呢一间居酒屋食饭，因为喺网上面见到评价唔错，都有好多人讨论虽然餐厅位置唔喺大街，不过用地图睇跟住行都算方便，而且一去到街口就见到，招牌好大个由于实在太肚饿嘅关系，我哋一口气叫咗好多嘢食，点完菜等咗一阵，沙律就首先送到，系豆腐沙律，成碟沙律除咗生菜同豆腐之外，仲有粟米粒同蕃茄，豆腐上面加咗瑶柱丝同酱汁，捞埋一齐食酸酸地几开胃之后有烧明太子，明太子烧完之后充满咸香，就咁食应该会太过咸，所以餐厅特登喺明太子下面铺上一块青瓜片，食落去会比较清新同冇咁咸跟住有唐扬炸鸡，每一粒都好大嚿，咬落去外皮香脆，里面嘅鸡肉仍然好嫩滑，点埋柠檬汁一齐食感觉会冇咁油腻再嚟有鸡软骨同鸡颈肉串烧，两款都烧得好香口，特别系鸡颈肉，之前从来冇食过呢个部位，估唔到烧完之后食，肉质都几嫩呢个系免治鸡肉棒，可以将生鸡蛋捞匀做酱汁，同鸡肉棒点埋一齐食，鸡肉烧得好香，同鸡蛋好夹再黎系烧鸡皮，鸡皮烧得劲香脆，完全唔觉得油腻，用嚟送酒一流呢个系煮牛筋，仲配有萝卜，旧萝卜入晒味，好腍，同牛筋一样一咬开就溶化，证明真系煮咗好耐，酱汁直头可以用嚟送白饭添然后有牛蒡片，整得几香脆，食落去完全
今晚同老婆系中环预约咗呢一间居酒屋食饭，因为喺网上面见到评价唔错，都有好多人讨论
虽然餐厅位置唔喺大街，不过用地图睇跟住行都算方便，而且一去到街口就见到，招牌好大个
由于实在太肚饿嘅关系，我哋一口气叫咗好多嘢食，点完菜等咗一阵，沙律就首先送到，系豆腐沙律，成碟沙律除咗生菜同豆腐之外，仲有粟米粒同蕃茄，豆腐上面加咗瑶柱丝同酱汁，捞埋一齐食酸酸地几开胃
之后有烧明太子，明太子烧完之后充满咸香，就咁食应该会太过咸，所以餐厅特登喺明太子下面铺上一块青瓜片，食落去会比较清新同冇咁咸
跟住有唐扬炸鸡，每一粒都好大嚿，咬落去外皮香脆，里面嘅鸡肉仍然好嫩滑，点埋柠檬汁一齐食感觉会冇咁油腻
再嚟有鸡软骨同鸡颈肉串烧，两款都烧得好香口，特别系鸡颈肉，之前从来冇食过呢个部位，估唔到烧完之后食，肉质都几嫩
呢个系免治鸡肉棒，可以将生鸡蛋捞匀做酱汁，同鸡肉棒点埋一齐食，鸡肉烧得好香，同鸡蛋好夹
再黎系烧鸡皮，鸡皮烧得劲香脆，完全唔觉得油腻，用嚟送酒一流
呢个系煮牛筋，仲配有萝卜，旧萝卜入晒味，好腍，同牛筋一样一咬开就溶化，证明真系煮咗好耐，酱汁直头可以用嚟送白饭添
然后有牛蒡片，整得几香脆，食落去完全唔觉得油，感觉比起食薯片更加健康
呢个系汁烧葱牛肉卷，一咬落去充满肉汁，而且口感好丰富，食到大量嘅葱同有浓郁嘅牛肉味，比起一般食到嘅金菇肥牛卷更加特别
最后分别有烧翠玉瓜、烧银杏同烧秋葵，全部蔬菜烧完之后仍然保持水份，一咬落去完全唔觉得干，特别系翠玉瓜，一咬已经爆晒汁，银杏都唔苦
埋单每人三百几蚊，食到劲饱！！
张贴
