影片
更多
2024-11-03
1633 浏览
每月一日嘅拍拖日！去咗1935食四川菜，餐厅装潢好有格调，一面系落地玻璃，对住中环夜景，气氛浪漫！1935原来系创办人婆婆嘅出生年份，菜式都系沿用Grandma’s recipes呢！茶有两款选择: 人参乌龙及罗汉果茶（茶位$20），拣咗罗汉果茶，入口甘甜，饮到喉咙好舒服，超解辣。夫妻肺片（$125）好耐冇食过夫妻肺片啦！牛杂份量十足，牛𦟌及牛肚麻辣鲜香而不呛鼻，加入大量芝麻及葱花，味道更香。香酥软枕($85)好有诗意嘅菜名，原来系炸素鹅！素鹅好厚身，腐皮外面炸得香脆，层层松化，内里软绵，配特制酱汁，辣辣地，增加刺激感。金丝和田玉（Half $95)艺术品一般嘅一道前菜。冬瓜圆粒拼砌成葡萄，冬瓜皮再雕刻成树叶，造型精致，靓到唔舍得食呢！冬瓜粒用高汤熬过，入口鲜甜清香，解辣都一流。重庆水煮桂花鱼($315)桂花鱼鱼肉新鲜，肉质爽弹嫩滑，而且好厚肉，啖啖肉，口感好好。汤底香料味好突出，层次丰富，唔算好辣，所以唔太食得辣嘅朋友都食到，但如果钟意食辣嘅就可能会嫌唔够。底下仲有薯粉，吸晒汤汁嘅精华，好惹味！四川红烧肉($205)红烧肉肥瘦比例刚好，卤得入味松化，调味唔会太浓味，而且入口毫不油腻，
茶有两款选择: 人参乌龙及罗汉果茶（茶位$20），拣咗罗汉果茶，入口甘甜，饮到喉咙好舒服，超解辣。
夫妻肺片（$125）
好耐冇食过夫妻肺片啦！牛杂份量十足，牛𦟌及牛肚麻辣鲜香而不呛鼻，加入大量芝麻及葱花，味道更香。
香酥软枕($85)
好有诗意嘅菜名，原来系炸素鹅！素鹅好厚身，腐皮外面炸得香脆，层层松化，内里软绵，配特制酱汁，辣辣地，增加刺激感。
金丝和田玉（Half $95)
艺术品一般嘅一道前菜。冬瓜圆粒拼砌成葡萄，冬瓜皮再雕刻成树叶，造型精致，靓到唔舍得食呢！冬瓜粒用高汤熬过，入口鲜甜清香，解辣都一流。
重庆水煮桂花鱼($315)
桂花鱼鱼肉新鲜，肉质爽弹嫩滑，而且好厚肉，啖啖肉，口感好好。汤底香料味好突出，层次丰富，唔算好辣，所以唔太食得辣嘅朋友都食到，但如果钟意食辣嘅就可能会嫌唔够。底下仲有薯粉，吸晒汤汁嘅精华，好惹味！
四川红烧肉($205)
红烧肉肥瘦比例刚好，卤得入味松化，调味唔会太浓味，而且入口毫不油腻，呢个版本比较健康，大大减低邪恶感。
蚂蚁上树($105)
蚂蚁上树，即系免治猪肉炒薯粉。薯粉炒得干爽有获气，毫不油腻，如果弹牙d会更有口感。
黑糖糍粑($75)
即点即整，外皮热腾腾又香脆，内里麻糬软糯有弹性，黑糖浆不多不少，甜度恰到好处。
张贴
