車水堂車仔麵

营业中

休息中

上次系佐敦食完车仔面，食开有条瘾，今次就去咗中环揾呢一间朋友介绍嘅车仔面试下，去到门面见到细细间唔起眼，食完先至真系非一般车仔面，有啲惊喜唔好睇去舖头细细间，座位都好多，今日去嘅时候全场爆满睇嚟呢间餐厅真系有咁上下水准，先会吸引到咁多人同场见到有好多外国人，店员都好细心同佢哋介绍有咩食点餐可以用QR code落单，或者睇餐牌自己圈想食咩，社恐人士都唔使惊，选择困难症嘅更加可以坐低慢慢拣我哋嗌咗两个一面五𩠌车仔面，另外叫多两个小食同嘢饮，食完饱到上心口朋友叫咗港式咖喱汁配米线，五𩠌有白萝卜，墨丸，鱼蛋芝士肠同饺子，白萝卜又大又甜，好食过以往我食过嘅车仔面唔好睇佢咁普通，食落真系有惊喜，墨丸鱼蛋都唔会有阵雪味，食落弹牙港式咖喱味好香浓，唔会系淡茂茂咁，真材实料做到足我自己就叫咗沙嗲汁配幼面五𩠌有响铃，猪软骨，鱼皮饺，糖心蛋同油菜，全部都要俾个赞佢，响铃配沙嗲汤底，味道一绝唔使讲，鱼皮饺水准OK有三粒，份量ok，要赞佢个溏心蛋真系做得啱啱好，口感同味道真系冇得弹仲有佢个猪软骨，煮得好淋好入味，份量仲要系超级大件，初时以为咁大件，只会比一件，点知原来有两件，真系好抵食呀之后仲要赞吓佢个麻辣鸭血