Picada (已結業)

今晚同朋友食饭，就选咗呢间拉丁菜试吓。前菜: 牛油果酱栗米脆片- design your guacamole 呢个系必点，因为菜式会喺你面前即制，打卡一流。餐厅经理喺我哋旁边放咗张细枱，上面放满左原材料，包括由牛油果，粟米片，仲有唔少调味，如香料芝士烟肉青柠等。首先将切开了嘅牛油果放喺大碗上，再放上基本调味如洋葱黑椒烟肉芝士盐等等。经理十分细心，不停叫我们试味，睇下咩调味啱我哋口味。最后将牛油果同调味混合成为牛油果蓉。配上粟米片吃健康又美味。主菜: 烧猪腩肉，彩虹三文鱼经理推介我们点佢哋嘅三文鱼，颜色丰富，三文鱼配上热情果酱，感觉清新。另外配上大量蔬菜，和酸酸甜甜的汁，几好味。另一款我们点左猪腩肉，肉质唔肥腻，又脆身，非常香口野味。我觉得呢个比三文鱼更出色。底下面配上紫薯蓉，香甜软滑，比平时食嘅薯蓉更夹，加分。而另外叫上嘅甜品，虽然选择唔多但味道都唔错。我觉得呢度有放心机在配菜上，每一道菜配上嘅伴碟都唔同，但都和主菜好夹。每碟菜颜色都好丰富，好睇又好味。推介。