影片
更多
2018-11-17
963 浏览
d人成日话出左黎做野就唔会识到真心朋友，好庆幸我系工作上识到一班好姐妹，寻晚仲同我补祝生日！因为我系超中意食川菜，所以朋友们就拣左呢间位于中环既餐厅，呢度既环境格局都好靓，唔讲真系以为系食西餐！头盘我地叫左个小锅蚬，另外加钱upgrade左个汤变成辣鱼汤。睇个样以为唔会太辣，但系一试，原来都几劲，不过真系好好味，愈辣愈过瘾🤤🤤而d蚬粒粒都非常饱满，肉质爽口鲜嫩，配合埋辣汤真系好夹👍🏻👍🏻然后叫左个川椒香辣软壳蟹🦀呢个好似一贯既川菜，用劲多川椒同其他香料炒成，软壳蟹非常juicy，炸完都唔会好干！非常好食！食川菜，「水煮」既菜式一定走唔甩，而我地就拣左水煮鱼！鱼肉无骨好嫩滑，不过最值得赞赏系垫底既红薯粉，口感好QQ，份量都唔少🤤🤤食得太多辣野，叫番杯野饮降下火先！我就拣左呢杯芒果mocktail🍸，饮落好似杨芝甘露😂而且好解辣👍🏻👍🏻过完辣野瘾，我地仲叫左d唔辣既菜式！姜蜜澳州和牛粒：以为黄色一片片个d系荀，原来系姜，但有为甜甜地，所以唔食姜既我都完全无问题！牛肉粒好有肉味，有咬口👍🏻回锅肉：比起市面一般既回锅肉无咁辣，但都煮得好入味，唔会过咸，猪肉肥瘦适中，岩哂d唔食得辣既人！干扁四季
因为我系超中意食川菜，所以朋友们就拣左呢间位于中环既餐厅，呢度既环境格局都好靓，唔讲真系以为系食西餐！
头盘我地叫左个小锅蚬，另外加钱upgrade左个汤变成辣鱼汤。睇个样以为唔会太辣，但系一试，原来都几劲，不过真系好好味，愈辣愈过瘾🤤🤤而d蚬粒粒都非常饱满，肉质爽口鲜嫩，配合埋辣汤真系好夹👍🏻👍🏻
然后叫左个川椒香辣软壳蟹🦀呢个好似一贯既川菜，用劲多川椒同其他香料炒成，软壳蟹非常juicy，炸完都唔会好干！非常好食！
食川菜，「水煮」既菜式一定走唔甩，而我地就拣左水煮鱼！鱼肉无骨好嫩滑，不过最值得赞赏系垫底既红薯粉，口感好QQ，份量都唔少🤤🤤
食得太多辣野，叫番杯野饮降下火先！我就拣左呢杯芒果mocktail🍸，饮落好似杨芝甘露😂而且好解辣👍🏻👍🏻
过完辣野瘾，我地仲叫左d唔辣既菜式！
姜蜜澳州和牛粒：以为黄色一片片个d系荀，原来系姜，但有为甜甜地，所以唔食姜既我都完全无问题！牛肉粒好有肉味，有咬口👍🏻
回锅肉：比起市面一般既回锅肉无咁辣，但都煮得好入味，唔会过咸，猪肉肥瘦适中，岩哂d唔食得辣既人！
干扁四季豆：每次见到呢个菜式都一定会点，因为送饭真系一流，呢道既四季豆同样无令我地失望！
食左咁多小菜，一于叫番个招牌担担面食！端上枱既时候，大家都呆左，size的式都吓死人，都唔知够边个食😅不过味道唔够辣，面质偏硬，唔似传统既担担面。我唔太中意。
最后当然唔少得生日甜点，姐妹们为我预备左鲜果川味凉粉。卖相好靓，中间仲藏住左粒士多啤梨🍓其实味道就好似日本既水信玄饼，无味既，所以有d碎山榨饼垫底用黎提味！清清甜甜都几好味👍🏻
呢间川菜馆格调高，味道好，一定会再次光临！推荐👍🏻👍🏻
张贴
