燒烤堂

营业中

休息中

放工想同同事食下串烧倾下偈，黎到好有气氛嘅烧烤堂，环境好干净舒服，坐二人卡位自成一各，可以静静地倾下偈Menu都非常丰富，选择好多，有日、韩、西！港式串烧，仲有自制嘅堂式，试过几款都唔错，两个人食左19款串烧，超级满足🐥鸡肉类汁烧免治鸡肉软骨棒（付月见）明太子鸡腿肉惹味蜜糖烧三黄鸡全翼惹味爽口鸡肾盐烧鸡中翼（两只）鸡肉软骨棒、明太子鸡腿肉、鸡全翼系几出色嘅，鸡肉嫩滑，调味刚刚好🥩牛肉类盐烧和牛牛小排韩式烧惹味牛肋肉两只牛都好好食，牛小排油脂分布平均，入口即溶，而牛肋肉牛味好足又有咬口，唔错🐷猪肉类福冈味噌松板猪海苔黑豚肉鹌鹑蛋汁烧烟韧年糕卷年糕卷非常有惊喜，以为系普通烧年糕，原来系豚肉卷住年糕加紫菜，好特别，年糕烧到半溶，豚肉又脆，必食呢个黑豚肉鹌鹑蛋都好特别，个蛋唔会烧得老，豚肉又淋，反而松板猪就肥左啲，似猪颈肉🍢其他小食盐烧白鳝焦糖青苹果鹅肝多士明太子烧饭团秘制烧羊架鹅肝多士单价最高，但物有所值，块鹅肝好大块，煎得好香🥗蔬菜类盐烧秋葵孜然烧西兰花苗牛油蜜糖粟米蔬菜种类都几多，有我钟意嘅秋葵，粟米又大条又香牛油味🍡甜品蜜糖烧菠萝糖不甩烧汤圆食串烧一定要食烧菠萝，又香又甜又多汁，啱晒食