1935 壹玖叁伍

营业中

休息中

又到happy Friday，约朋友揾间靓餐厅轻松吓，去中环威灵顿广场M88嘅19楼，名为 1935壹玖叁伍，装修颇有气派，主打川菜、上海菜嘅中菜馆，居高临下享受美食真爽。叫几个前菜加小菜，口水鸡、夫妻肺片、千岁豆腐、川麻葱油伴原只日本元贝、葱爆牛肉及干烧虾球。夫妻肺片系麻辣牛腱、牛肚，好入味而且都几辣，口水鸡同样系辣菜之一，虽然辣但唔会抢咗鸡本身嘅味道，而且系去骨啖啖肉好惹味。葱爆牛肉有好多京葱非常香口，牛肉嫩滑，酱汁浓郁。干烧虾球，大大只虾球微微辣，虾球新鲜爽脆好好食。食饱加两杯花雕话梅雪糕球，酸酸甜甜有花雕酒香，降燥解腻。