Cuisine Culture

营业中

休息中

喺中环嚟讲要食一间法国菜冇千几蚊埋单都唔使谂 。呢间舖头喺正中环最旺嘅区度，喺楼上铺 。上到去一转右手边就系呢间舖头，一入到去布置嘅时候就好有小店嘅感觉，好warm。店员超体贴，会介绍食物俾你听，而且喺食嘅过程亦都有机会会教你点样去食，或者问埋你食物嘅意见，好有高级餐厅嘅感觉 。另外首先要讲嘅就系店员推荐左洋葱汤，一开始都谂紧会唔会试龙虾汤不过最后就胆粗粗试咗洋葱汤，呢个汤真系有惊喜，首先呢个汤里面系以往试到嘅洋葱汤有唔同嘅，淡淡食落去都有芝士超级正，仲要系拉丝 。听讲呢个汤嘅做法就系法式做法，面包喺里面浸住湿湿地，但系面包亦都有好多芝士，唔会话因为个面包湿晒就觉得好核突咁。配搭都唔错 。至于法式焗蜗牛，个人就比较重口味嘅，觉得呢一个嘅酱汁配搭都非常之出色 。另外10分推荐嘅就系佢嘅猪安啦！佢嘅猪烤得好好食配搭酱汁一流另外就系佢嘅薯蓉仲要系脆卜卜好正 。整体成个菜单嚟讲，呢个价钱仲要做到咁嘅质素完全冇嘢可以挑剔 。仲要每件菜式都整到好靓好似艺术品咁，特别系个甜品仲要整埋个装饰好靓 。令人赏心悦目。