影片
更多
2024-08-15
741 浏览
本身一直想试好耐，所以求其揾咗个理由话庆祝七夕，就带另一半过嚟食返个丰富嘅午餐。今次咁啱安排到坐窗边位，望住大馆食嘢个感觉都几写意。佢哋嘅面包都几出色，仲有少少芝士碎喺面，份量啱啱好唔多唔少。今次嗌咗两个set，每个人都系二三百左右，呢个价钱嚟讲质素绝对系impressive。‣ Steak Tartare牛肉肉质相当鲜嫩，因为本身已经混合咗蛋浆，所以入口嘅时候相当滑顺。香料味唔算重，如果系一个平时好少食生牛肉或者怕太浓牛味嘅人，呢一间嘅他他绝对好适合佢哋试吓，因为真系相当容易入口，味道相对上比较清新。‣ Empanada de Pollo咬落去嘅时候觉得超级惊艳，多汁嘅鸡肉再搭配炒香咗嘅洋葱同唔同嘅香料，酥脆嘅外皮令到成个口感好丰富。如果想清爽啲就可以加埋隔离嘅莎莎酱一齐食，真系令到我觉得回味无穷。前菜嚟讲真系极度出色，值得一嗌。‣ Milanesa $218毕竟都系传统嘅阿根廷菜式，所以点样都要叫一叫试吓。虽然肉扒面头有一层溶化咗嘅芝士同埋蕃茄，但系唔会影响成个菜式嘅酥脆度。有层次感得嚟，唔会影响咗个风味。我觉得其实同Wiener Schnitzel有啲似，但系我觉得Milanes
‣ Steak Tartare
牛肉肉质相当鲜嫩，因为本身已经混合咗蛋浆，所以入口嘅时候相当滑顺。香料味唔算重，如果系一个平时好少食生牛肉或者怕太浓牛味嘅人，呢一间嘅他他绝对好适合佢哋试吓，因为真系相当容易入口，味道相对上比较清新。
‣ Empanada de Pollo
咬落去嘅时候觉得超级惊艳，多汁嘅鸡肉再搭配炒香咗嘅洋葱同唔同嘅香料，酥脆嘅外皮令到成个口感好丰富。如果想清爽啲就可以加埋隔离嘅莎莎酱一齐食，真系令到我觉得回味无穷。前菜嚟讲真系极度出色，值得一嗌。
‣ Milanesa $218
毕竟都系传统嘅阿根廷菜式，所以点样都要叫一叫试吓。虽然肉扒面头有一层溶化咗嘅芝士同埋蕃茄，但系唔会影响成个菜式嘅酥脆度。有层次感得嚟，唔会影响咗个风味。我觉得其实同Wiener Schnitzel有啲似，但系我觉得Milanesa俾我感觉有啲似食pizza，得意得嚟又几好食
‣ Flat Iron $298
佢个横切面真系靓到我忍唔住攞嚟做封面，食第一啖嘅时候我已经觉得超级impressive，当刻有少少后悔冇嗌多一份肉。佢有六种酱料搭配牛扒一齐食，我自己个人比较钟意烧烤酱，将成个牛肉嘅香味真系提升到去另一个层次。虽然都系青酱，但系第一次试Chimichurri，觉得都几特别几得意。
‣ Sides
今次我嗌咗garlic and parsley skinny fries同garlic and truffle mash potatoes，薯条够晒酥脆香口，但系值得一提系个薯蓉，超级香滑而且仲有淡淡嘅奶香味，再加埋黑松露嘅香真系不得了，薯蓉绝对系超出咗我嘅期望，绝对唔马虎唔敷衍。
张贴
