Cuisine Culture

营业中

休息中

今日朋友带我去中环Cuisine Culture，餐厅主打法式私房菜，而家做紧推广，经Openrice网上订座，可享单点餐牌正价75折，非常抵食。焗法式地道古也芝士洋葱汤：洋葱汤上枱热腾腾，香气噗鼻而来，汤面放左一片法包，仲加左好多芝士，浓郁而美味。烟三文鱼牛油果沙律：新鲜沙律菜，配上烟三文鱼、蕃茄仔、牛油果，开胃又健康。香草海盐烧美国原条牛肋骨配薯条：餐厅好细心，把牛肋骨既肉预先切好，再一块块铺番喺牛骨上面，肉质软腍，牛味香浓。日本鲜带子柠檬汁初榨橄榄油意粉：大大粒既带子，鲜甜厚肉，意粉煮得弹牙，搭配柠檬汁，味道估唔到咁夹。法式焦糖炖蛋：如丝般幼滑既炖蛋，上面有一层烤得恰到好处既焦糖，食到香脆又软滑既双重口感。整体来说，食物有水准，服务优质，性价比高。