影片
更多
2023-12-07
2532 浏览
Ushio@中环威灵顿广场今日朋友生日，就益佢请佢食餐好野喇！之前喺网上面睇过人推介呢间位于中环嘅日本烧肉过江龙。来自于日本福冈，主打食嘅系鹿儿岛新村畜产农场直送嘅「新村和牛」。舖头位于中环威灵顿街地舖，转过弯就好易揾到。店铺装修阔落又唔俗气，每台都会有盏spotlight俾你打卡影靓相时用。客人唔多所以环境好安静，令人感觉舒服。我哋今日就拣咗坐吧枱，但如果朋友多嘅话吧台倾偈冇咁方便，会建议坐返长枱。佢哋会有推荐嘅Omakase Set，前菜饭面甜品样样有齐，每道烧和牛都有专人服侍，不用自己烧。我哋想试多啲唔同类型嘅嘢，就选择咗散叫，侍应推介我哋拣瘦肉部份，亦都有我哋简单讲解每件牛来自咩部位，同埋要点样烧。佢哋嘅牛肉油花平均，肉味突出而且肉质细致。烧肉调味料同样出色，有昆布、粗盐同烧汁，昆布加埋盐特别好味。ヒレ（Tenderloin 牛柳） 首先嘅系牛肉中最贵重的部位牛柳，牛柳喺控制转弯的肌肉，牛一生都唔会用得好多，于是肉瘦而肉质柔滑。我觉得算系最好食嘅几个位置，而且唔使点任何酱汁都已经好够味。シャトーブリアン （Chateaubriand 牛柳芯）成只牛贵重中最贵嘅当然是中间嘅牛柳芯
今日朋友生日，就益佢请佢食餐好野喇！之前喺网上面睇过人推介呢间位于中环嘅日本烧肉过江龙。来自于日本福冈，主打食嘅系鹿儿岛新村畜产农场直送嘅「新村和牛」。舖头位于中环威灵顿街地舖，转过弯就好易揾到。
店铺装修阔落又唔俗气，每台都会有盏spotlight俾你打卡影靓相时用。客人唔多所以环境好安静，令人感觉舒服。我哋今日就拣咗坐吧枱，但如果朋友多嘅话吧台倾偈冇咁方便，会建议坐返长枱。
佢哋会有推荐嘅Omakase Set，前菜饭面甜品样样有齐，每道烧和牛都有专人服侍，不用自己烧。我哋想试多啲唔同类型嘅嘢，就选择咗散叫，侍应推介我哋拣瘦肉部份，亦都有我哋简单讲解每件牛来自咩部位，同埋要点样烧。佢哋嘅牛肉油花平均，肉味突出而且肉质细致。烧肉调味料同样出色，有昆布、粗盐同烧汁，昆布加埋盐特别好味。
ヒレ（Tenderloin 牛柳）
首先嘅系牛肉中最贵重的部位牛柳，牛柳喺控制转弯的肌肉，牛一生都唔会用得好多，于是肉瘦而肉质柔滑。我觉得算系最好食嘅几个位置，而且唔使点任何酱汁都已经好够味。
シャトーブリアン （Chateaubriand 牛柳芯）
成只牛贵重中最贵嘅当然是中间嘅牛柳芯啦，全只牛只得1kg左右的牛柳芯，亦系USHIO招牌之一。不过可能期望过多，觉得牛柳芯味道尚佳，但没有其他部位香、口感咁细致同juicy。
リブロース （Ribeye 肉眼）
佢传统上应该算系牛肉入面最好食嘅部份之一。肉眼嫩滑，味道丰盈，肥瘦适中，口感同肉味极好。
サーロイン （Sirloin 西冷)
西冷都算常见嘅一种牛肉部位，入口富弹性，再蘸点奉上嘅酱油，有更浓厚嘅滋味。侍应见我哋烧得唔太熟，都过嚟帮手烧咗几块肉。
ミスジ（Musiji 牛板腱）
呢个系属于前腿上较后位置嘅腹肉，轻轻一烧，已经十分美味。加上佢哋特制嘅烧肉用酱汁，非常惹味。 イチボ（Ichibo 后腰盖柳）
本身我想叫嘅系Rump 肉即系腰到屁股嘅一块。但可惜佢咁啱冇晒，咁我只好改要pat pat后边后腰嘅Ichibo。虽然佢嘅价值冇咁高，但食落软绵绵，点上烧汁同埋盐之后好有肉味。
仲有一样好嘅系呢度个抽风系统做得好好，食完唔会成身都系油烟味。我仲留意到佢有做午餐定食，用料同份量都唔错，有机会一定要试下。
Ushio Wagyu Tartare 和牛他他
20 浏览
0 赞好
0 留言
Tenderloin&Chateau Briand&Rib Eye
17 浏览
0 赞好
0 留言
Chateau Briand 牛柳芯
29 浏览
0 赞好
0 留言
Sirloin&Misuji
13 浏览
0 赞好
0 留言
Ichibo
10 浏览
0 赞好
0 留言
Pistacchio Basque Cheesecake
18 浏览
0 赞好
0 留言
张贴
