EverShine

营业中

休息中

Item: EverShine
Rating: 5
Author: Suzanne.Noms

4.5

420 食记

味道

环境

服务

卫生

抵食

17219

中环

$51-100

西式咖啡店咪嘥嘢食店

334

资讯:
餐厅:	EverShine

为鼓励食肆透过提供食物份量选择和采取减少厨余措施，与顾客共同从源头减少厨余，环境保护署推出了「咪嘥嘢食店」计划，参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴，以供张贴於店舖内和宣传，供顾客识别。此计划全年均接受申请，申请费用全免。

详情可浏览：https://www.wastereduction.gov.hk/zh-hk/waste-reduction-programme/food-wise-hong-kong-campaign

Suzanne.Noms

等级3

去咗一间喺中环庇利街小巷嘅小店，呢啲位置唔系大街嘅小店，喺而家嘅经济环境要做得住真系要靠质素，今次呢间小店都冇令我哋失望，去到见到门口有一个户外位，点知入到去舖头入面先发觉别有洞天，喺舖头入面仲有一个自制嘅户外环境，摆咗好多花花草草嘅装饰，虽然户外冇冷气，但本身室内冷气都吹到出嚟，又咁啱天气唔系好热凉凉地，而且户外都有几个风扇，不过如果落雨就应该麻烦啲，今日天气好仲有阳光，所以都好舒服，个餐牌设计好好，写晒每个食物饮品嘅卡路里，拣嘅时候可以谂清谂楚，不过另一半就觉得放假出得嚟食嘢就唔好谂咁多，所以佢系自动隐藏咗啲卡路里。先要讲嘅系服务真系好好，店员见我哋谂嘢食谂得耐，问我哋使唔使帮手介绍返啲嘢食，佢好耐心咁逐一讲间餐厅嘅嘢食饮饮品有咩特别，又话如果怕热可以开大啲风扇，我哋未食嘢都已经觉得招呼好好，其实有时我哋两个都觉得啲嘢食最好食，服务唔好就点都食得唔开心，所以服务好真系好紧要，虽然店员介绍咗好多健康嘅嘢食同埋讲咗一啲健康嘅理念，但系另一半最后都系食返自己想食嘅嘢，拣左铺头最heavy嘅餐点，叫咗一个法式洋葱烩肉丸配蝴蝶粉同一个轻煎带子黑松露菠菜牛肝菌意粉，嘢饮就叫咗一个仙气朱古力同一个 special menu原个椰青咖啡，另一半仲好唔健康咁加咗个小食咸蛋黄罗勒鸡翼，我同另一半都最钟意个轻煎带子黑松露菠菜牛肝菌意粉，首先就梗系个带子本身系刺身级嘅带子，所以佢真系可以做到轻煎就可以好好食，因为真系好鲜甜，表面轻轻煎过，加埋本身嘅鲜甜，已经值回票价，黑松露就唔系太突出，但系本身个汁就好突出好creamy，个味道调得好，每一条意粉都挂住啲汁，本身另一半觉得加菠菜同牛肝菌纯粹系装饰，应该冇咩特别，但大家食落去都觉得佢哋有中和返个汁嘅作用，令到你唔会觉得好油腻，仲会觉得好似成件事健康咗好多咁，牛肝菌仲令到你嘅口感更加丰富，至于另一个法式洋葱烩肉丸，佢系配蝴蝶粉，我就觉得好少餐厅做蝴蝶粉，所以就拣咗呢个pasta，原来另一半本身唔太钟意蝴蝶粉，因为比意粉厚实，有时煮得唔透又会好硬，而且有啲餐厅个汁做得唔匀，会令到个蝴蝶粉冇汁嘅味道，但呢个蝴蝶粉每一粒都做到比个汁包住，做得软身，但又唔会腍到一嚿粉咁，肉丸就唔系瑞典肉丸重味，比较淡啲，但系肉味都出，个口感几特别，有咬口得嚟唔会硬亦唔会散，而且份量满足，食肉兽都唔怕健康餐厅无野拣，两个pasta都系有质素，至于两杯嘢饮，又系出乎意料嘅，第一杯系啱女仔打卡嘅仙气朱古力，送上嚟系一个壶装住朱古力，另外一个杯装住一啲棉花糖，到啲朱古力后去嘅时候就会溶咗啲棉花糖，店员就话视乎你个人喜好，棉花糖会令到个朱古力嘅甜味增加，但我就觉得加咗之后系直头令到个朱古力升华咗，系个朱古力饮落去会饮到棉花糖嘅味道，两者融合得来各自都好突出，棉花糖唔系净系要嚟打卡，而另一杯原个椰青咖啡，又系可以做到椰青同咖啡融合得嚟各自特色都存在，估唔到椰青水同咖啡都几夹，佢嘅咖啡本身味浓，椰青水嘅鲜甜就除咗做到加甜嘅功用，而且佢仲有普通糖水冇嘅鲜甜味，本身椰青味都突出，所以效果好好，小食嘅鸡翼就系画龙点睛啦，冇pasta咁出色，咸蛋黄味几重，盖过咗本身嘅香草味，如果香草味浓啲就比较好，环境就坐得好舒服，如果天气好其实真系想坐户外多过坐室内，因为有啲阳光又有凉风，真系好似chill啲。另外特别想提嘅系，每个意粉价钱大概系$70-$80，喺中环嚟讲，呢个价钱真系好良心。最后服务就唔使讲，放喺一开头讲就系因为成日都讲小店嘅服务系比较有人情味，所以最钟意呢一种小店。