八八嫩豆腐鍋

营业中

休息中

今日去咗位於中環嘅韓式餐廳88tofu house 餐廳主打豆腐鍋。跟餐有奉送嘅豆腐湯，超級惹味。天氣咁凍，飲返一碗成個人即刻暖笠笠。點咗佢哋嘅烤牛小排套餐，份量十足，仲有一堆美味嘅前菜，包括魚乾仔、炒年糕、炒粉絲、泡菜，仲有雞蛋豆腐辣湯，好開胃。牛小排烤得正好，肉質鮮嫩，帶有一絲焦香味，搭配石鍋飯，簡直係完美配搭！石鍋飯嘅底部有啲香脆嘅米，口感唔錯。另外，佢哋嘅醬油蝦真係唔可以錯過，剝曬殼後嘅蝦肉鮮甜多汁！飲品方面，西柚梳打清新爽口，菠蘿梳打就帶點甜。