歡樂大排檔

营业中

休息中

中秋节正日，选择了新开张呢间「大排档」。本人好喜欢去大排档，但阿女听到「大排档」有啲担心，因为之前试过比九龙湾嘅屋村大排档吓亲。今次呢间食得非常安心，楼面到厕所都非常干净！怀旧装修，仲有张麻雀枱比大家打卡，正👍🏼由于做节关系，拣咗个八人餐，烧鹅非常有水准，芝士伊面味道啱啱好，大龙趸两味最啱老人家食、重点系鸡煲翅，食到一家大细都话要encore。可能新开张加上做节人多，上菜比较慢，不过可以慢慢食倾吓偈，唔洗惊比人赶，都系另一番享受！下次去一定要试吓真正嘅大排档小炒！