海皇漁港

营业中

休息中

中秋节食饭，公公想食蟹，拣咗海皇渔港。点了一个配搭，有一只大约五斤重嘅阿拉斯加长脚蟹同埋半只烧鹅，出去睇住师傅同佢磅重，如果超过五斤要另外再畀钱，今日$288/斤。烧鹅好入味，新鲜烧好，大家争住食。另外点了生果咕噜黑豚肉，黑豚肉炸得有水准，外脆内淋，有青椒、菠萝、桃、车厘茄同紫洋葱，个士多啤梨汁酸酸地，好醒胃。酥炸美国桶蚝，好大只蚝，虽然炸粉有啲厚，但味道不错，咸味刚刚好。瑶柱鲜竹浸胜瓜，可惜唔觉有瑶柱，个汤都几好饮。清蒸龙趸，新鲜好大条(2.5斤)，蒸嘅时间啱啱好，肉质鲜甜，阿女都识食个鱼头。压轴出场，蒸大蟹~九个人食饭，好彩我都分到只蟹脚，肉质鲜甜，正！劲多膏，好香，用嚟捞饭最正。正宗蟹柳，脚好粗，呢只蟹个个位都顶晒肉，连蟹脚都有白色膏，好香蛋白味。整体来说都算不错，只系鱼同蟹要等一段时间才能上枱。