稻香 (翠怡商場)

营业中

休息中

中秋節就到，今次揀長輩附近嘅酒樓聚餐，原本想訂青衣城其中一間，但要分時段，所以最後揀咗呢間。我哋點咗一圍套餐，再加咗個生炒骨，半隻燒鵝，另加兩個龍蝦伊麵，味道有啲係幾好，有啲就麻麻，不過十三人完全夠食。P.S. 有1隻燒脆皮雞無影。羊肚菌金瑤燴翅。鴻運金豬併盤，每樣都唔錯。燒鵝幾好呀，大隻啲肉又唔鞋。黃金蝦多士，呢個普通，如果用蝦膠會好食啲。上湯蝦球元貝伊麵，味道偏淡。原本想加錢將上面嘅蝦球伊麵轉龍蝦伊麵，之後職員提意另加兩份龍蝦伊麵會化算啲，不過龍蝦好少肉，個汁味道真係麻麻。富貴花炒螺片，螺片份量好多，大大片又爽口。蠔皇北菇扣鮑魚。清蒸富貴龍躉斑，大條，新鮮，滑。風味糯米飯。幸福壽桃包無貨轉做奶黃包。