影片
更多
2014-09-17
3125 浏览
人生总有一啲事情系好想试，但永远都系得个讲字… 食潮州名菜算系其中一样。打冷有试过，但尝嘅当然唔会系有名嘅潮州名菜啦。所以今次来到百乐潮州，先有一口sake，kick 一kick start 我嘅肚皮先，其实佢老早已经预备好啦！卤水鹅片拼盘(单点) 卤水鹅片$188 / (单点) 卤水鹅肝$120 半只一碟有鹅肝、鹅片、仲有豆腐，三样食物都卤得好入味，但又唔会太浓，唔会抢过鹅片嘅味道，食开味道淡嘅都唔怕食呢个！好味！卤水猪拼盘(单点) 卤水猪脚筋$ 88 / (单点) 卤水千层峰$78另一卤水菜色，其实我平常唔会刻意去食卤水嘢，卤水比我感觉都系味道好浓好咸嘅，不过呢度嘅卤水唔咸的黎仲要有种甜味呢。潮阳炸双枣$104呢个炸双枣令我印像最深刻，本身味道平平无奇，但只要一点附上嘅酱汁，味道即升呢几倍。酱汁有两款，同枱朋友好仔细咁解析两酱嘅分别，但我挂住食，听完就唔记得左lu，下次再去问下经理两酱嘅分别先！各人嘅喜好都唔同，我比较钟意食浅色呢个，甜甜地好好味！潮式冻蟹主角出场啦，今晚都系为佢而黎，外面吃潮州菜都唔会点呢个，主要都系相信问题啦，一阵啲蟹唔靓我咪蚀晒，紧系拣个有信心架啦！冻蟹好新鲜
卤水鹅片拼盘(单点) 卤水鹅片$188 / (单点) 卤水鹅肝$120 半只
一碟有鹅肝、鹅片、仲有豆腐，三样食物都卤得好入味，但又唔会太浓，唔会抢过鹅片嘅味道，食开味道淡嘅都唔怕食呢个！好味！
卤水猪拼盘(单点) 卤水猪脚筋$ 88 / (单点) 卤水千层峰$78
另一卤水菜色，其实我平常唔会刻意去食卤水嘢，卤水比我感觉都系味道好浓好咸嘅，不过呢度嘅卤水唔咸的黎仲要有种甜味呢。
潮阳炸双枣$104呢个炸双枣令我印像最深刻，本身味道平平无奇，但只要一点附上嘅酱汁，味道即升呢几倍。酱汁有两款，同枱朋友好仔细咁解析两酱嘅分别，但我挂住食，听完就唔记得左lu，下次再去问下经理两酱嘅分别先！各人嘅喜好都唔同，我比较钟意食浅色呢个，甜甜地好好味！
潮式冻蟹主角出场啦，今晚都系为佢而黎，外面吃潮州菜都唔会点呢个，主要都系相信问题啦，一阵啲蟹唔靓我咪蚀晒，紧系拣个有信心架啦！
冻蟹好新鲜，海水味唔重，而且非常鲜甜，唔洗点醋都得！壳一早就开左，只要轻轻将壳拿开就可以啦，卫生得黎又唔会失仪态，再算唔识开蟹壳都唔怕啦！一块肉完完整整的！！一大口肉，爽爆！！
食冻蟹要配冻Sake，食一口再来一啖，蟹味会更鲜甜架，太正啦！
胡椒咸菜猪肚汤$108我的最爱，个种热辣辣嘅感觉，饮完成个人都暖晒。胡椒汤要够辣先好味，呢个就够晒辣啦。
胡椒味好浓同非常香， 煲过后嘅咸菜质感刚刚好，唔硬亦唔辣， 咸菜冇榨嘅，靓嘢呀！虽然我已经饱饱地，但仲要队晒成个汤，就要到佢真系好味啦！
碧绿川椒鸡球$108呢个唔会好辣，菜就算炸过但系都好干身，唔会有一层油系面。鸡应该系半煎炸嘅，但系非常juicy同好嫩滑添！
豉油皇煎仓鱼球$248其实呢个鱼本身唔差，但食完上面咁多好菜，呢个鱼有啲比下去嘅感觉，加上煎炸的中菜本身都不是我杯茶。不过，虽然系煎炸类菜色，但没有太大油腻感，加上卖相非常有趣吸引，仓鱼煎完再摆pose，非常呃like!!!
潮式姜米鸽$230 /1只另一呃like 菜色就系呢个，我发现百乐的厨师都系创意无限，将鸽子扭成百爪鱼咁… 远睇都几得意(见好就收，唔好近睇研究啦！) 本身鸽同姜米已经够吸引啦，虽然系鸽包饭，但整个饭都系好清唔油腻，鸽肉好嫩… 本身已经饱到顶点都停唔到食左半碗。
香煎蚝仔烙 $98潮州菜又点可能少左蚝饼，咁足蚝仔嘅蚝饼都系第一次食，我食个半件差唔多每一口都有蚝仔，好满足喔！蛋饼本身都好好味，唔焦唔干，仲有少少蛋汁，juicy juicy！
潮州蚝仔肉碎粥 $55最后… (我嘅最后… 朋友仲系好努力咁食) 蚝仔粥上场，超衰的整系撩晒嘅蚝黎食，咁大只㖞，呢碗一啲都唔系'蚝仔' 啰！蚝仔超甜，好鲜，今餐大满足！
张贴
