彩逸皇宮

营业中

休息中

临近中秋节一家人食饭，去左彩逸皇宫，双龙全包宴$888，好抵食。加拿大龙虾伊面计返足足有1.5只，大大只，肉质爽口，伊面唔会太油腻，感觉唔错。🤗松子龙趸斑块真系龙趸肉，唔系普通鱼柳，口感唔错。可惜啲酱汁实在太多太甜啦，好快令到香脆嘅鱼柳林晒，好在同家人夹手夹脚即刻拎起佢哋先。金银蒜蒸龙趸头腩另外一样我觉得推介嘅食物，蒜蓉汁足料，龙趸头腩爽口有咬口，感觉新鲜，个底有啲粉丝吸收晒啲汁，好好味。是日炖汤椰子鸡汤，好好饮，足料。胡麻沙律菜半吉列虾感觉呢道菜比较hea🥺系平时小食店吉列虾，加埋少许沙律菜就系一碟𩠌。其他食物中规中矩，冇太大特别。