樂天客棧 (已結業)

妈咪钟意食中餐，咁岩有晚无饭开，就黎左呢间餐厅试，成日行过都见好爆，终于食到啦。蒜香红海蜇头见佢细细兜，估唔到夹下夹下份量又几多㖞。蒜茸同D醋味好match，不过原来都几辣下。仲有青瓜垫底，吸收哂D汁，正啊！招牌扣肉包见个个都叫黎食，我都唔执输，叫左一个两份食。个包暖暖的，好软绵绵，再夹块扣肉加生菜(食落无咁漏)，一咬，好满足的感觉。扣肉够腍，生菜够脆。黄金咸蛋虾球得两丁友，叫左个细既试下，呢到最好既地方系好多菜式都可以拣大中细，可以叫多几样试下。呢个黄金虾仲痴左D红椒青椒去煎，上台颜丰富，好吸引呀！而且咸蛋黄好均匀咁布满虾球，香味十足。菜香鐡板豆腐呢个豆腐绝对系必食推介！开头上台仲以为错左，因为完全见唔到豆腐，一翻开上面肉碎，原来内有干坤。豆腐一块过，超级滑溜，捞埋上面D肉碎、菜甫、冬菇一齐食，好惹味呀！而且用鐡板上，放多阵都唔怕凉。苹果与荔枝冻茶见D冻茶口味配搭好得意，我又叫杯试下先。苹果加荔枝，两样配埋一齐够晒清甜，而且个甜味唔会好假，个底仲有几粒荔枝㗳下添。