維港冰室

营业中

休息中

上次去完湾仔维港之后，记得佢有小菜。今次特登去铜锣湾呢间食佢嘅小炒，估唔到有小惊喜㖞今次都系被安排坐卡位，然后继续听住我个年代嘅MK歌😂真系首首都识唱唔系讲笑！今次嗌咗三个𩠌，三个都唔错，首先讲吓个咸鱼煎肉饼先，平时食蒸肉饼就食得多，第一次试煎肉饼，我觉得几好食㖞，好松化，而且咸鱼好香，成件事好送饭， 一块就已经半碗饭，一份有成8块😂😂跟住嗌咗个咕噜肉，真系啖啖肉，系由细食到大嘅味道，菠萝青椒洋葱，都系有炒过嘅，我哋摆咗一阵先食，都仲系脆卜卜，值得一赞。🫶🏻🫶🏻跟住仲嗌咗一个虾酱通菜猪颈肉煲，份量都几大兜，通菜爽脆，猪颈肉入味。🤟🏻呢个又系可以食半碗饭嘅𩠌。我哋二个女仔去食完仲可以pack埋第二日Lunch Box😂整体嚟讲，中菜嘅水准都OK， 80至$90一个小菜，有汤有饭有嘢饮，如果喺铜锣湾嚟讲，真系唔错嘅选择。