兜記即燒乳豬專門店 (已結業)

嚟到母親節，當然就要食好啲啦。選擇左灣仔區環境不錯嘅兜記，食返餐穫氣十足嘅小菜。先有龍躉兩味，啖啖肉嘅魚塊，先經走油，再配以爽脆嘅西芹一齊去炒，簡單得嚟，味道都已經好好，新鮮嘅魚肉鮮味，絕無半點雪藏味; 而蒸龍躉亦美味非常，唔需要味精，只需要香蔥、果皮、豉油都已經成就到一道出色嘅餸菜。而呢度最出味嘅燒乳豬，不得不試。乳豬燒得夠香脆，脂肪比例啱啱好，再配上軟綿嘅包點，既有飽肚嘅感覺，兩者又配搭得黎，果然係呢度嘅出色名菜。