神燈海鮮酒家 (18廣場)

营业中

休息中

之前同朋友聚会，大家都赞呢度嘅创新fusion菜式精美又好食，今日带同另一半特登book位过嚟撑枱脚🙌🏻黑松露玻璃烧鹅表皮黑蚊蚊嘅，就系加咗黑松露来腌制嘅烧鹅皮，鹅皮烤得酥脆，散发出浓郁香气。肉质又嫩又多汁，咬落有弹性，令人惊艳。南非鲍鱼啫啫鸡用煲上，上到枱仲系热腾腾，鲍鱼鲜味又弹牙，大大只，份量十足，鸡肉口感柔嫩，两者融合，酱汁浓郁，好惹味！姜葱龙虾银丝煲龙虾色泽鲜明，入口带有淡淡海鲜甜味，肉质爽弹，上汤整成嘅汤汁好浓郁，完美搭配搭姜葱。鱼香茄子煲茄子唔会太油，入口软绵，咸香味突出，配搭红椒、蒜蓉和肉碎，口味微辣鲜香，佐酒、送饭一流！