燒邦海鮮私房菜

营业中

休息中

呢一间私房菜已经唔系第一次食，我几钟意呢间野系会帮你谂埋食咩，只要订台时同佢讲几多钱一个人、有咩唔食，出街食嘢最难谂就系谂食咩。餐厅面积唔大，问过店员最多只可以容纳12位客人。所以如果想食就要订台啦，我今次同朋友就预早同餐厅讲左预算600蚊一位。🥛🐥鲜奶花胶炖竹丝鸡冇谂过鲜奶都可以做汤鸡炖到D肉咬落去好软，花胶又有咬口。🍽冰镇南非活鲍鱼鲍鱼佢配左一个淡豉油，好小食冻鲍鱼，个肉质好软嫩同爽，出到黎个鲍鱼一D都唔韧。我记得我上一次黎系有D烟系底，今次就冇左D烟，视觉效果冇咁好，不过一样好食。🐟鲜鱼汤浸野生海油班球呢个鱼汤好鲜味，鱼汤呈奶白色，班球好大旧啖啖肉。🐚牛油清酒新鲜扇贝佢呢个系烧扇贝，有轻微既酒香，扇贝烧既程度岩岩好，肉身见到好饱满。🦐老香港茄汁虾两只大虾下面个底用炸米粉衬托，店员同我哋讲呢个茄汁虾唔系真系普通茄汁煮，而系师傅用好多种酱煮到似茄汁，系一个古老做法，我仲后生就未食过几前既方法。当系体验下🦞上汤焗原只海花龙煎米底龙虾够大只加上佢个料系用番佢个龙虾膏去煮，所以个味道好浓，米粉底煎到好脆。