唐宮中餐廳

营业中

休息中

讲起浪漫，好似个个都谂起西餐，但其实中餐因为果份亲切感同传统嘅味道，反而我觉得更加浪漫。呢区其实喺旺角行完街过嚟，好似去咗另一个仙境咁，唔会好多人，好舒服嘅地方。餐厅喺酒店二楼，装修唔算好靓，但系好有亲切感。吸引我嚟嘅，系facebook广告介绍呢间餐厅嘅大江南北菜。所以嚟到第一时间叫侍应要咗个menu，里面全部都系嚟自唔同地方嘅特色菜。江西手撕羊系冷菜，同唔同嘅配料捞埋一齐，非常开胃，好适合依家天时咁热嘅时候食。金钱鸡，可能未必好多人识，但系系属于香港嘅一个回忆。以前烧味铺会有得食，但系好似喺香港已经无几个地方食得到了。由中间层猪肉嘅爽脆程度可以知道大厨落足心思。宋嫂鱼羹，所有配料嘅份量恰到好处，每啖汤都系精华。无锡脆鳝，鳝肉起出嚟，非常适合我呢啲唔钟意吐骨嘅人。而且，肉质真系有脆嘅感觉，唔系薯片果种脆，而系一种结实嘅感觉。拔丝苹果，虽然好多地方都食到，但系呢度一啲都唔会觉得甜腻，而且苹果嘅清甜，配上冰水浸过嘅糖浆，夏天恩物。