影片
更多
2015-03-12
6869 浏览
我依啲打工仔，每个月就望月尾出粮，每日就望够钟收工，当然，唔少得望住个钟等食晏。虽然晌中环返工，但都甚少写中环食晏嘅食评，皆因小弟公司唯一最直接嘅福利就喺包伙食，今时今日而言，都算少有，所以，年中帮小弟悭番唔少，等我间唔时有点闲钱可以食好啲。就好似今次，晌广州拼搏嘅老友回港办点事，就相约一行3人到专做高质粤菜嘅「大班楼」食餐好嘅。地下一入门口左右两边都有张枱，不过，太多人出出入入，感觉唔多好。上楼上就好好多，多张6人圆枱或4人方枱，较静局，而且，嚟嘅人都喺斯文客，交谈都唔会太嘈炒，更显得清静。一室以白色为主，加少少小型水晶灯，予人感觉爽朗。午市主要供应套餐「行政午餐」，分头盘（10选1）、主菜（17选1）、汤及甜品，包白饭一碗，定价为3道菜$198，而4道菜则$218，另收加一服务费，所以，晌度食个晏起表价就二百多，非一般打工仔嘅选择。北芪党参炖乳鸭汤品嘅选择喺十豆虫草须汤或老火靓汤，咪以为后者喺普普通通嘅例汤，原来今日嘅老火汤喺「北芪党参炖乳鸭」，一听之下感觉喺咪好唔同呢。原盅清炖，还加了桂圆，呷一啖让人润泽无比，清甜醇厚，起首嘅「例汤」已经有种先声夺人嘅姿态。头盘、主菜，我哋各人按
地下一入门口左右两边都有张枱，不过，太多人出出入入，感觉唔多好。
上楼上就好好多，多张6人圆枱或4人方枱，较静局，而且，嚟嘅人都喺斯文客，交谈都唔会太嘈炒，更显得清静。一室以白色为主，加少少小型水晶灯，予人感觉爽朗。
午市主要供应套餐「行政午餐」，分头盘（10选1）、主菜（17选1）、汤及甜品，包白饭一碗，定价为3道菜$198，而4道菜则$218，另收加一服务费，所以，晌度食个晏起表价就二百多，非一般打工仔嘅选择。
北芪党参炖乳鸭汤品嘅选择喺十豆虫草须汤或老火靓汤，咪以为后者喺普普通通嘅例汤，原来今日嘅老火汤喺「北芪党参炖乳鸭」，一听之下感觉喺咪好唔同呢。原盅清炖，还加了桂圆，呷一啖让人润泽无比，清甜醇厚，起首嘅「例汤」已经有种先声夺人嘅姿态。
北芪党参炖乳鸭
985 浏览
0 赞好
0 留言
头盘、主菜，我哋各人按喜好各拣一款，其实，每个类别都有咁多选择，的确令人好易三心两意！虽然有分话头盘、主菜，但头盘嘅份量亦只喺比主菜稍为细碟一啲，喺头盘嘅烟熏乳鸽因只得半只，才叫做明显细份，所以，一个套餐都可以睇为「两𩠌饭」啊！清酒鱼汤煮蚬
鱼汤加入点点姜丝，辟晒任何腥味，而鱼味嚟得淡雅，唔会太过浓，又呷到少少清酒酒香；蚬只肥大肉厚，味道鲜甜，吐晒沙，唔会食食吓巉口，而汤中仲有少少白萝卜条，清甜无渣。
清酒鱼汤煮蚬
332 浏览
0 赞好
0 留言
龙井菊花烟熏乳鸽（半只）因为作为头盘，所以，只得半只。虽然乳鸽烟熏唔及酥炸咁脆口，不过，茶叶香气清幽，乳鸽肉质嫩滑，亦带有茶叶芳香，就算只喺食得一小件，都喺食得津津有味。
龙井菊花烟熏乳鸽（半只）
239 浏览
0 赞好
0 留言
虾酱鲜鱿就食得多，估唔到芥籽芥末拌鲜鱿效果都好掂，鲜鱿炒得好软腍，而芥末味辛而不辣，点到即止，唔会好呛喉。
虾油法国芥籽芥末拌鲜鱿
222 浏览
0 赞好
0 留言
芥兰头抽炒和牛腩片
小弟觉得依道菜最体现到佢用料精，因为啲芥兰全部都喺最嫩嘅部位，翠绿爽脆，所切嘅长度均一；而牛腩片非常嫩口，又够肉味，简单以头抽炒，真喺已经够晒好食。
芥兰头抽炒和牛腩片
215 浏览
0 赞好
0 留言
主菜同样多拣咗一道烟熏菜式，喺龙井烟熏米鸭，肉质当然以乳鸽滑嫩好多，但米鸭亦唔差，鸭肉软腍细致，沾一点黑糖罗望子酱，夹杂埋茶叶香，立时产生出化学作用，因为罗望子无酸梅咁酸，所以，淡酸醇甜中渗出幽幽茶香，细味先嗒出当中嘅味道。
龙井烟熏米鸭配黑糖罗望子酱
263 浏览
1 赞好
0 留言
鱼汤腐皮浸时蔬食咩都要有个平衡，加上同行朋友喜欢素菜多，一道鱼汤腐皮浸时蔬就最好不过。鱼汤晌先前一道清酒鱼汤煮蚬已分享过，鲜腐皮有豆香，时蔬以白菜仔入馔，虽然加入几片「油炸鬼」，依然喺一道好清淡嘅菜式。
鱼汤腐皮浸时蔬
159 浏览
0 赞好
0 留言
甜品有生磨杏仁茶及是日甜品，本来都饱晒，其实都无打算叫，但老友话点都要试吓佢哋嘅自家制雪糕（桂花杞子雪糕、子姜雪糕），口味独特，故此，就试了后者。子姜味十分突出而唔会太辛辣，有份醒神嘅感觉，不过，质感唔算软滑。
子姜雪糕
146 浏览
0 赞好
0 留言
张贴
