影片
更多
2014-04-19
7174 浏览
次次家庭聚会都会去平时帮衬开既酒楼，但因为酒楼最近大装修，所以虽然惊d长辈唔钟意，但都要提议试试八月轩! 美心集团既八月系列 (八月花、八月居) 一向系我既至爱，今次八月轩亦不例外!是次晚饭叫左十二人晚餐，有七个𩠌，咦! 七个!? 所以再加多个脆皮BB猪同柠汁叉烧包! 先黎八月轩烧味拼盘，有叉烧、烧鹅、海浙、豉油鸡、鲍片夹青瓜，样样都唔错，尤其是鲍片夹青瓜，鲍片十分鲜味而且juicy~脆皮BB猪暖暖的，皮脆肉唔韧，咸度适中，乳猪件既底部已加有海鲜酱，唔需要再加已够味道~花胶竹笙烩生翅 - 唔需要加醋已经十分够味! 非常足料! 好多翅、好多竹笙，我仲饮左两碗! X.O.酱花蚌炒虾仁 - 花蚌同露荀好爽，微辣，好惹味~艇皇浸翠苗 - 有豆苗仔、蒜子、东菇碎、竹笙碎，上汤好鲜甜，唔觉有味精，而豆苗仔亦好嫩好爽~生炒牛肉饭 - 唔错，无特别，不过唔太喜欢饭上面既松子~招牌炸子鸡 - 皮脆肉嫩，咸度亦适中~唔错~其实仲有清蒸沙巴龙趸，不过唔记得影相~一向好怕酒楼既蒸鱼肉质粗鞋，但今次却非常美味，蒸得刚刚好，肉质嫩滑鲜味! 平时屋企人多数都会食净，不过今次真系一件都不留! 另外叫既柠汁叉烧包，包里
是次晚饭叫左十二人晚餐，有七个𩠌，咦! 七个!? 所以再加多个脆皮BB猪同柠汁叉烧包! 先黎八月轩烧味拼盘，有叉烧、烧鹅、海浙、豉油鸡、鲍片夹青瓜，样样都唔错，尤其是鲍片夹青瓜，鲍片十分鲜味而且juicy~脆皮BB猪暖暖的，皮脆肉唔韧，咸度适中，乳猪件既底部已加有海鲜酱，唔需要再加已够味道~
花胶竹笙烩生翅 - 唔需要加醋已经十分够味! 非常足料! 好多翅、好多竹笙，我仲饮左两碗!
X.O.酱花蚌炒虾仁 - 花蚌同露荀好爽，微辣，好惹味~
艇皇浸翠苗 - 有豆苗仔、蒜子、东菇碎、竹笙碎，上汤好鲜甜，唔觉有味精，而豆苗仔亦好嫩好爽~
生炒牛肉饭 - 唔错，无特别，不过唔太喜欢饭上面既松子~
招牌炸子鸡 - 皮脆肉嫩，咸度亦适中~唔错~
其实仲有清蒸沙巴龙趸，不过唔记得影相~一向好怕酒楼既蒸鱼肉质粗鞋，但今次却非常美味，蒸得刚刚好，肉质嫩滑鲜味! 平时屋企人多数都会食净，不过今次真系一件都不留! 另外叫既柠汁叉烧包，包里面大部份系空心既，馅料份量极少，本身已经唔系好欣赏加左柠汁既菜式，如西柠鸡，而呢个柠汁叉烧包亦唔系好得我欢心，味道怪怪的~
总括而言，大家都好满意今次既家庭聚会，相信绝对有下次~八月系列依然会系我既中菜首选，今餐仲见到周围既枱都有叫甜品 - 千层酥，但系份量实在太大而我地又好饱，所以留返下次先试啦~
张贴
