彩福欣宴 (已結業)

自己都唔知点解，每次想食中菜晚饭就自然会念到彩福，可能真系师傅手势合晒我哋口味，而今晚就黎位于佐敦嘅分店，食过几次餐厅环境就唔讲啦。但师傅不时都会推出新款合时嘅菜色，所以都依然有觉新鲜感。天气转凉突然想食腊味，所以点左度蜜豆莲藕蹄片炒鸳鸯肠，肥美嘅润肠同腊肠配搭清新爽口嘅马蹄片同藕片，清甜嘅蜜豆，不会油腻又好送饭，真系唔错。每次黎都会点嘅怀旧金牌叉烧，肥瘦均匀，蜜汁惹味加上卤水花生又一绝配。清蒸沙巴龙虿1斤2两size适宜肉质较嫩，但鱼味偏淡。北菇红烧豆腐，冬菇厚切得黎得也入味，豆腐炸香嘅外皮也吸收左蚝汁，如果有埋蚝豉就更家乡味。黑松露秋葵带子炒滑蛋，有啲失准，首先蛋有点过火，失去滑蛋效果，个人应为黑松露又好似做唔到秋葵同带子间嘅锁匙，所以整身无想像中嘅感觉。最后甜品点左女皇最爱嘅儿时回忆鲤鱼芒果布甸，同民间燕窝，竹燕椰汁糕，俩样都唔错，唔太甜，又够味够滑，为今晚餐饭划上完美句号。