華香雞 (已結業)

约咗朋友仔们去观塘叹咖啡，饮咖啡之前揾啲嘢食医下肚仔先，朋友就揾到呢间以前好出名华香鸡系观塘开返舖头，我自己就未试过，见朋友话出名既都有兴趣去试试佢！餐厅系成业街一个上一层既舖位，舖头好大，星期六无乜人返工关系，唔算好多人。朋友同我都好钟意食中菜，样样都想叫啲嚟食咁滞。最出名既华香鸡梗系要嗌啦，我哋叫咗个一人份既黄饭加华香鸡（$45），鸡味好鲜甜好滑，黄饭都好香。职员仲俾咗三只酱我哋，有姜蓉又有辣酱。因为我同朋友都对绍兴醉酒鸡特别有兴趣，所以都叫个例牌($90)，酒味好入味，鸡肉又系好滑好好食！除咗鸡，鱼我地都好有兴趣，鱼有白鳝同鲈鱼拣，我地拣咗姜葱鲈鱼加黄饭($58)嚟食，鱼已经切好晒一份份，鱼肉好肥美，好新鲜。食咗咁多肉，都要食返啲菜嚟平衡返，我哋叫咗个浓鸡汁菜心(小煲$48)，啲菜好"林"好好食！朋友再叫咗个麻婆豆腐煲($78)，嚟到先知原来咁大份，我地发现呢度既豆腐俾出面既麻婆豆腐大粒好多，同埋食落口麻好多，亦都惹味好多，问返职员先知原来呢个系正宗既四川做法，唔似平时食开既麻婆豆腐咁，豆腐比较散同小辣味道，的确平时食麻婆豆腐又真系唔太觉得有麻辣既感觉，而呢个就真系有感受到，我地