1908bc British Chinese

营业中

休息中

餐厅主打Fusion中西菜式，环境方面几宽敞，蓝白色装潢带点格调，坐得几舒服。Emperior Tasting Menu (每位$680，两位起)头盘芝麻虾多士 | 陈醋蜜汁排骨 | 脆皮素春卷三款入面最喜欢芝麻虾多士，面头铺满芝麻，多士炸得脆身，虾胶好弹牙，好吃！陈醋蜜汁排骨外层炸过，带点脆身，酸酸甜甜几开胃。湖区海鲜羮海鲜羮好足料，有虾粒、带子粒、豆腐等，口感同味道都几丰富。蒜蓉粉丝蒸扇贝扇贝好巨型，而且清理得好干净，伴碟嘅粉丝捞埋豉油及蒜蓉正呀！棒棒吉列虾挂包非常fusion嘅一道菜，中式挂包好松软，包住弹牙炸虾饼又几有趣，配搭带点辣味嘅千岛酱汁更惹味。脆皮烧牛肋骨配英式烟肉粟米粒炒蛋饭主菜拣咗牛肋骨，朋友拣咗烧鸡，牛肋骨外层炸得好酥脆，肉质腍滑，食落有啲脂肪更香口，蛋炒饭好有镬气，饭粒炒得够干身，而且好足料。最后仲有甜品，分别有芒果椰丝挞及朱古力挞，芒果椰丝挞椰子味好香。另外餐厅有鸡尾酒提供，味道亦唔错，同时环境几舒适，店员好亲切，会主动介绍菜式，想同朋友好好坐低食饭倾计，呢度都唔错。