捌壹公館 (已結業)

呢間感覺係好有誠意嘅中西合璧fusion餐廳，食材同烹調都俾左好多心思去研製，價格合理，值得支持！香煎北海道刺身帶子配黑松露忌廉義大利飯點呢個飯嘅時候，店員好貼心，問埋我地對飯粒軟硬程度嘅喜好，店員話因為正宗嘅義大利飯飯粒係比較硬身，接近生米，消化唔好嘅人食完可能會晤太舒服。我地怕食滯，所以就揀左偏軟身嘅飯粒。呢個義大利飯嘅份量啱啱好 ，有四五粒帶子，比出邊好多餐廳嘅意大利飯多，而且每粒都好大好飽滿。特別嘅係，呢個飯嘅黑松露係無冇任何平時會食到嘅個種煤炭焦味之餘，黑松露味道十分濃郁香沉，整體食落去又唔會太漏，creamy 得嚟有種細膩嘅口感。鮮奶桂花Latte飲落確係有淡淡嘅桂花味，店主話研製呢杯咖啡個陣，將桂花、奶、同咖啡嘅成份做過好多次嘅調整，先做到依家呢個味道。話梅菠蘿醬窩夫陪雪糕呢個甜品比較大份，o岩曬兩個人share，話梅醬菠蘿醬酸酸甜甜夠開胃，話梅醬係稠身嘅，所以淨係話梅醬點窩夫食就略感有D乾，建議等個雲呢拿雪糕融左d，再一齊點窩夫食，口感會更好！