茶餐廳2.0 (已結業)

茶餐厅就系茶餐厅，见到一间茶餐厅叫自己做茶餐厅2.0， 装修彷佛都以西式感觉为主 ，忍唔住又去一探究竟！见到Menu中式西式都齐备，厨师好似咩都识咁样，有冇咁犀利呀？叫得茶餐厅，直觉都会系中式嘢食会比较稳妥，所以今次都系叫咗中式，睇下佢系唔合格先。见到有个餐，几个小菜任拣两款，已经配埋例汤、基本饮品、炒菜、白饭，索价只系1 6 8，抵呀！例汤～ 天气咁冻，饮碗热汤，真系令人舒畅。蒸红袖鱼～ 鱼有一只筷子咁长， 蒸到啱啱好，唔会过熟。肉松炒四季豆～ 由于四季豆要走油，好多地方都做到油冧冧，但系呢度做得几干身，而且份量、味道都恰到好处。炒青菜～ 以为份量唔会好多，毕竟系配搭嘅嘢， 但实际上分量都非常合理 ，出街食饭，点都要有碟菜较为健康，非常欣赏写呢个餐牌嘅人，考虑到顾客的健康。而饮品我哋都选择咗基本饮品，冇乜特别，但系冻饮杯同热饮杯，就系非一般茶餐厅嘅模样。最后当然以甜品做结尾， 呢个甜品唔系中式甜品，亦都唔系西式甜品 ，我可以形容呢个甜品为「港式甜品」， 佢竟然系鸡蛋仔上面加上cream、生果同埋雪糕， 净系鸡蛋仔呢个元素，已经令我深深爱上。