茶餐廳2.0 (已結業)

一个星期总有一日返娘家食饭，不过，A爸同A妈真系好极端，A爸就好钟意食唐餐，但A妈就话平时屋企都煮唐餐啦，所以佢话出街就梗系唔好食中菜啦。今日去到大埔嘅茶餐厅2.0，款式够多，优钱够经济实惠，佢两个都好满意。咸鱼鸡粒豆腐煲A爸拣嘅套餐包饭同汤，加$20仲有炒菜。呢个咸鱼鸡粒豆腐煲嘅咸香味十足，鸡肉好嫩滑，而豆腐索晒咸鱼嘅香味，好滑溜。用嚟送饭一流。蕃茄海鲜天使面A妈就叫咗蕃茄海鲜天使面，海鲜有青口，带子同墨鱼仔，天使面份量唔少，挂上蕃茄酱，酸酸甜甜，好好味。全日特色早餐特色早餐有猪肉肠、炒蛋、炒菌、蕃茄、烟肉、焗豆、火腿同牛角包，略嫌份量少咗啲，但女仔嚟讲都够饱。珍珠奶茶呢度嘅名物唔少得港式代表鸡蛋仔，而台式代表又点少得珍珠奶茶？茶底够香，而珍珠唔会死甜，唔错。