影片
更多
2016-12-07
406 浏览
今日收工后同朋友去湾仔行下街食下饭，行完街放完血就去咗Aroma食西餐Lemon Grass Soda + Estrella Draught (Beer)大热天时有咩好得过一坐低就饮返杯冰冻饮品，我点咗香茅梳打，而朋友就钟意饮啤酒，香茅梳打唔会太甜，入口清清地，啱晒用嚟解渴，而朋友就话连比较少见嘅西班牙啤酒都有得点，唔错！Chicken Wings先嚟头盘鸡翼，鸡翼先炸，再用咸蛋做汁返煮，香口得嚟唔会好热气，加上咸蛋味道同炸鸡翼好夹，最有诚意系落咗好多咸蛋，令到啲鸡翼好够味，必试！Pork And Chicken Liver Rolls猪肉鸡肝卷，讲真一开始睇个卖相真系估唔到系乜，后来睇返menu先知自己点咗乜，猪肉加埋鸡肝入口细腻，虽然味道唔系好突出，但一试无妨。Spring Rolls猪肉春卷，虽然又系猪肉做，但肉嘅份量唔会太多，加上炸得好香口，唔会好滞，食完仲食得落其他嘅。Fries炸薯条，系热辣辣嘅薯条上面加上咸香十足嘅芝士，再点埋餐厅提供嘅芝士酱，真系令人忍唔到口，食完一条又一条，加上用粗薯，咬落啖啖薯仔肉，不错。US Rib Eye Steak美国肉眼扒，当肉眼扒一上枱果刻
Lemon Grass Soda + Estrella Draught (Beer)大热天时有咩好得过一坐低就饮返杯冰冻饮品，我点咗香茅梳打，而朋友就钟意饮啤酒，香茅梳打唔会太甜，入口清清地，啱晒用嚟解渴，而朋友就话连比较少见嘅西班牙啤酒都有得点，唔错！
Chicken Wings先嚟头盘鸡翼，鸡翼先炸，再用咸蛋做汁返煮，香口得嚟唔会好热气，加上咸蛋味道同炸鸡翼好夹，最有诚意系落咗好多咸蛋，令到啲鸡翼好够味，必试！
Pork And Chicken Liver Rolls猪肉鸡肝卷，讲真一开始睇个卖相真系估唔到系乜，后来睇返menu先知自己点咗乜，猪肉加埋鸡肝入口细腻，虽然味道唔系好突出，但一试无妨。
Spring Rolls猪肉春卷，虽然又系猪肉做，但肉嘅份量唔会太多，加上炸得好香口，唔会好滞，食完仲食得落其他嘅。
Fries炸薯条，系热辣辣嘅薯条上面加上咸香十足嘅芝士，再点埋餐厅提供嘅芝士酱，真系令人忍唔到口，食完一条又一条，加上用粗薯，咬落啖啖薯仔肉，不错。
US Rib Eye Steak美国肉眼扒，当肉眼扒一上枱果刻其实我有少少失望，因为我期待嘅系一大块啖啖肉嘅肉眼扒，但食落又有少少惊喜，因为用嘅系美国谷饲牛，肉质细嫩得嚟又肉味浓郁，加上煮到五成熟充满肉汁，配埋餐厅特制嘅腐乳薯蓉一齐食真系啱啱好。
Amadai海鲈鱼意大利饭，海鲈鱼肉质结实幼滑，较为清淡，绝对适合炎炎夏日无乜胃口嘅大家，加上芫茜泡沫做酱汁，食完肉眼扒，用嚟清一清浓郁嘅肉味确实不错。
Aroma Sundae黑色芝麻雪糕绵滑，白滑忌廉入口甜而不腻，加埋红肉火龙果，同埋衬托用嘅金色朱古力粒，唔讲味觉，只系睇外观都会觉得系视觉享受。
Candied Apple苹果煮到入晒味，好淰，但又不失苹果本身嘅香甜味，加埋忌廉一齐食，味道好夹。
张贴
