袁記雲餃

营业中

休息中

差唔多16：00嘅时间仲未食晏，路过见新开就帮衬，见有下午茶所以同朋友一齐嗌咗一个云吞同一个水饺面下午茶餐。下午茶餐系$38包热饮，冻饮要加钱，见餐牌所有单叫饮品都系$13，以为粟米汁都可以跟餐免费送，原来唔得，问咗店员先知要加$10先可以饮粟米汁，所以都系嗌热柠茶算。关于水饺同云吞嘅份量，如果嗌水饺嘅话只系会得四只，而嗌云吞就会有6只，水饺同云吞嘅口味都可以睇返餐牌有嘅自选一款口味。我同朋友一人嗌咗一款水饺同云吞，然后交换食，咁样睇落就可以试多啲，所以建议2个人或以上去食，咁就可以一次过试多啲水饺同云吞口味。面质好食嘅，汤底唔咸，份量适中。