CIAK - All Day Italian (太古城中心) (已結業)

之前有一日去咗太古城，拣咗好耐都拣唔到间餐厅，就决定试吓呢间意式餐厅。入到去个 vibe 都唔错，有个大萤幕展示意大利各处嘅风土人情，灯光就偏暗，侍应服务态度都几好，招呼都几周到。因为我另一半食量唔多，所以就净系嗌咗三样嘢，分别系八爪鱼沙律，一份比目鱼 risotto，同埋一份法国春鸡。一开始以为未必会够饱，谂住可能要加嘢食或者叫甜品，结果其实都几饱肚，因为个 risotto 芝士味都几重，所以有啲饱肚。份春鸡同八爪鱼沙律个味道都相当唔错，尤其系个八爪鱼沙律，既好味又清新。三份嘢加埋大概$800松啲，我觉得都几物有所值。