老趙越南餐廳

营业中

休息中

友人一直想试呢间米之莲餐厅，今日终于有时间同佢嚟试试，门口啱啱做紧装修畀啲棚架遮住晒，揾咗阵先见到，虽然如此但餐厅🍴都系坐满晒人，等咗阵先有位，午餐🥣选择都有几多下，最终叫咗生牛肉🐮河、上汤札肉河、炸虾🍤饼、越式红豆奶茶同蜂蜜金桔🍊露。生牛肉🐮河卖相好吸引，特别地配上白萝卜，可惜系苦嘅，搅到有啲画蛇添足，牛肉🐮好大块，咬落一啲都唔韧开易咬开，不过份量略厌唔太够，食完都唔太饱。上汤札肉河相对嚟讲较为逊色🙁，札肉切得好薄，一啲味道都食唔出，汤底本身唔错几鲜甜，但炸蒜同葱落得太多，搅到汤底都系葱蒜味。炸虾🍤饼上菜时已经油光满面，食落口时已经畀阵油味掩盖晒本身应有嘅虾味，只系食到阵阵嘅香料味，较为失望😞。红豆奶茶系基于好奇先叫嚟试下，奶茶较甜🍬配上红豆更加甜上加甜，不过两者配搭无想像中咁奇怪，饮落都唔错，有少惊喜😚。蜂蜜金桔🍊露成杯只有一块嘅青柠调味，所以对甜味🍬起唔到任何帮助，不过不失嘅金桔🍊蜜。