潮汕美食 (已結業)

朋友响红磡做野，我过左去揾佢食饭。食晚突然好想食潮州打冷，朋友介绍之下去左潮汕美食到食！一细碟萝卜干干豆腐小食送嘅，食落几开胃红肠并墨鱼，红肠份量多，墨鱼份量就少d，墨鱼食落就唔系好弹牙，卤水味都唔会太浓，有d花生垫底，淋淋地几好食。麻酱猪展骨，个骨外面炸得好干身食落少少硬，无咩肉味，因为炸嘅食落都算香口，但配麻酱有d唔系好夹。冻马友，本身马友d肉系好松嘅，好再因为冻食风干左少少食落唔算太霉，条鱼d鱼味浓可弥补之前的不足，细细条，唔算多骨。总括来讲味道不过不失，饮埋啤酒360蚊价钱都尚算合理。