嵐月 (AIRSIDE)

营业中

休息中

餐厅装修布置优雅，有梳化位，坐得舒服，但系梳化有食物残渣，卫生少许问题。选择此餐厅，本身谂住试吓烟熏鸡，但见到半只都要接近$300，佢有dinner set每位接近$700左右样样有啲，价钱尚算合理，就一于试吓。前菜不错尤其带子和海蜇头，带子柔嫩，海蜇头又有柚子酱汁就很开胃，但出名嘅黑毛猪叉烧就一般，而且比较肥，其余菜式慢煮牛肋肉和虾调味方面酱汁味道不突出，虾嘅质地算弹牙，中汤味道不错鲜甜。最差系甜品，不伦不类，放一堆忌廉加啲朱古力碎，毫无诚意，味道和外型都不讨好，我建议整啲中西合璧嘅小糕点，咁就衬返高级中式fine dinning 。如果呢个价钱，我反而建议帝京酒店lion rock。