祥仔辣辣 (海運大廈) (已結業)

订座时讲明系生日饭，但到场先发现全部甜品均未能供应，但订座时又唔提一提客人，服务唔多贴心。整体食物质素只属中规中矩，依然做唔出川菜嘅香。整体份量偏少。中辣水煮鱼，其实唔多辣，但辣唔辣比较个人，所以讲完就算。最失败系欠薯粉，即时大打折扣，只有莲藕、芽菜、莴苣，感觉系成本问题，左扣右扣，不过鲈鱼本身不错，好滑身。口水鸡居然系starter份量，得手掌咁大碟，见到即时囧咗…… 不过味道还可以。清炒莴苣，个碟好大，份量就一般啦，食到呢度都明间嘢系咁。薏米柠檬沙冰直头系伏，首先个半截弯月杯就已经好bad taste，再讲个味…… 阵味好怪，但又酸酸地… 好大旧冰，食唔到嘅，完全唔知做咩鬼。后尾见到另一枱叫咗杯甘荀沙冰，个女人饮咗一啖都问个waiter咩嚟…… 大家都系饮茶吧啦。