養心麵 (已結業)

网上见到呢间车仔面店既介绍，我系俾台式配料而吸引过黎既，特别系台湾A菜同水莲。其实佢唔近我公司，都要大约十分钟路程。我中午12:15去到，仲有唔少位可以拣，不过转眼间就满哂人。我点左水莲、千层冰豆腐同埋卤水猪大肠、宽粉条、美人汤，唔辣亦都唔要任何其他酱料。呢度系一落单就要俾钱先，食物随后送到。先试一啖汤，淡淡既清甜，都有少少层次感，网上食评话材料有乌鸡、桃胶、杞子、南枣同金华火腿等，我就剩系饮到金华火腿既味道，亦都食到两大旧桃胶，感觉几滋润。配菜味道尚可，水莲我觉得煮得熟左少少，冇左佢特有既爽脆口感，冰豆腐即系平时既蜂巢豆腐，吸左汤一齐食唔错既，大肠卤得几入味，都够淋，阔粉条类似红薯粉，不过比较薄，不过挂汤力唔算强。食几食有个小插曲，就系隔离台话佢地点既鸭血有酸味唔新鲜，侍应有即刻换过俾佢地，其实我既卤水猪大肠食到最后一旧都有少少酸味，不过由于系最后一件，我都冇出声了。价钱喺中环黎讲中规大矩，食物都系，我唔会再为佢行十分钟了。