養心麵 (已結業)

現在有好多火鍋店，湯底都是主打養生養心。想不到走火鍋路線的店現在連車仔麵也開了。我除了深水埗及登龍街的那車仔麵店外，很少會再encore。中午時間在12點半前來到，不用等位。因點車仔麵紙有太多選擇，就連湯底都有數種。為了免得左思右想，加上之前品嚐過火鍋店的美人養心鍋覺得十分正，索性選了個養生湯底。不過當麵來到的時候，我發覺養生湯底真的清得十分緊要，可能是價錢問題，完全不可能跟火鍋湯底作比較。車仔麵料我選了豆腐，粟米仔，沒有什麼特別。可能這次選的湯底太健康，配料也太過普通，所以感覺這次午餐一般般。

宜家興養身，就連車仔麵就有新食法。本身超愛車仔麵，所以特登黎一試，估唔到中午竟然唔洗等位直入， 明明見到唔少網試post推介，但竟然都係無人流，就已經覺得古怪，於是揀左諗住係最安全既招牌養心麵。 點知就連我呢個車仔愛好者都覺得無回頭。。。原因係無論係環境，服務，食物，價格都完全無吸引點。 食物要淡唔淡，要濃唔濃，又甜又鹹，加左辣醬都救唔到。 湯底同配菜唔夾，麵底彈口但無味，加上甜湯同鹹既鴨血，直程係好似正餐同撈埋甜品一齊食，味道麻麻，亦都唔覺得健康。我情願一係食返邪惡既美食又或者健康既食物都好過夾係中間，咁奇怪既味道。 隔離位仲送錯order，坐住果張梳發每逢有人坐底定起身，你都一定感覺到，但冷氣就偏偏感覺唔到，大熱天一定唔想食。除非你好想食又甜又鹹既麵，如果唔係唔食呢一間，你一定無走寶。

中環呢間養生麵我大約一星期會食一次，因為啲餸我覺得都煮得ok既，面底同菜選擇又多，似車仔面但會貴啲啲，合理既，好味麻；今日食左炸豆皮+䈑荀+豬腳仔+新竹米粉配美人湯，加多杯好好味又消暑既蝶豆花檸檬蜜糖，共$66講返佢主打個美人湯底，係幾清下，少少雞湯味，重點係會配一堆仔桃膠，口感就係軟軟地有小小彈牙，桃膠而家好流行，女人食左皮膚好之類，豆皮係一塊大到摺左幾摺咁，好好味，豬腳仔就一般正常，下次都係食返豬大腸呢杯蝶豆花檸檬蜜糖好好飲，飲上癮

中環是香港的商業中心，在這裡消費的確不太便宜，可是看到了網上的介紹，發現了一間便宜車仔面小店呢。養心面位於中環區，距離地鐵站也不太遠。餐牌主打是台灣菜，有特制的台灣配菜，可以自行選擇不同類型的面，餸菜，價錢亦中等。我選擇了以下的配搭。新竹米粉$18台式滷水糖心蛋$10菜心苗$10白菜仔$10辣汁魷魚鬚$12安格斯牛腩$18米粉十分幼，口感滑溜。牛腩十分入味，肉質煙韌，魷魚鬚份量也多，十分彈牙。加上咖哩汁，整體味道及份量也很出色。無糖豆漿$16 凍豆漿的確是無糖，大豆味濃郁。

放工打波前諗住食小小野，唔想食得咁heavy就諗住食個麵，於是就同朋友黎依度食反個台式車仔麵，之後再去打波。 依度車仔麵特別之一就係湯底，同依排開到好多分店既養心殿係同一集團。所以有美人湯可以做湯底。個人覺得美人湯係比較清，無咩味精，唔似得港式車仔麵咁。我就揀左台灣關廟麵。配料就有牛展，生菜同埋魚蛋。相比其他車仔麵店，雖然係貴小小，價錢係48蚊，但係就比較乾淨，而且牛展份量係幾多，魚蛋有8粒，都唔錯。 朋友叫個碗就好港式，幼麵配豬皮、魚蛋同埋牛腩。

😭佢俾少左隻糖心蛋我🥚·🍜招牌養心麵.寬粉條.美人湯（$86）點set唔洗諗～貢丸；水蓮；鴨血；滷豬腳；仲有最想食既糖心蛋⋯但我食哂賣左單先記起無俾我😂😭（好煩 講好多次😆）鴨血都係打邊爐麻辣湯底出色d🙉整體麻麻地而且車仔麵黎講價錢偏貴⋯唔會話因為有桃膠而加分～·🍜牛四寶麵.米粉.美人湯（$90）朋友點的～牛腩；牛筋；金錢肚；牛展；唐生菜🥬還好🐮·📍養心麵中環威靈頓街73號地鋪

養心鍋好食到癲出晒名，但一個人點食喎～ 再者火鍋又唔可以日日食，好熱氣架嘛～ 哈，但而今有機會啦，有同火鍋湯底一樣嘅車仔麵，有配好嘅組合，或完全自選餸料❣️我梗係揀美人湯底啦～ 味道同養心鍋一模一樣，鮮濃嘅雞湯，仲有養顏桃膠添～餸料方面要左滷水牛肚、豬潤、台式炸豆皮～ 豬潤超鮮滑，極好食😋 牛肚炆得夠腍夠入味，仲比好多件我，完全唔縮慳😂食到舔舔脷😋 台式炸豆皮吸晒湯汁，香口得嚟唔熱氣，又唔會似腐皮咁靱，😋😋😋養心車仔麵，值得一食👍🏻

聽講除左養心殿，仲開左間養心麵係食米線， 如果唔想打邊爐，可以試下平平地既呢間養心麵。餐廳是先付款後食的，我自己點了台灣寬粉條，魷魚及韮菜餃，配上美人湯加麻辣汁。美人湯湯味好濃郁，加上麻辣汁也不錯。台灣寬粉條也好入味。韮菜餃的料十足，好香韮菜味。朋友也點了新竹米粉，比普通米粉再幼身少少，食落好林。餸就要左蘿蔔，唐生菜，配上麻辣湯加麻辣汁。朋友說麻辣湯非常香口，中意食辣就岩晒。蘿蔔很入味，唐生菜也很新鮮。

湯底：麻辣汁 麻辣湯 中辣 有少許麻香，少辣而不嗆。寬粉條18大大塊，富台特色，不會因食得慢而變肥。蚵仔18很大size好驚喜，實在是鮮味。滷水金錢肚12做得ok軟糯，牛味盡情保留。香菇貢丸10有彈口，是台灣直送喔！湯底：咖哩汁 美人湯 大辣味道不錯，辣有層次，但不算好辣，具咖哩香又有後勁。烏冬18QQ有口感不糊口，份量正常。咖喱陳皮魚蛋8八粒價錢貼地，媲美mk😋是真實魚旦，不是粉旦，也帶淡香陳皮味。辣汁魷魚鬚12魷魚鬚很大條，是典型傳統面食上的水魷，本身味不突出，辣汁是精華之所在。香辣豬皮8索湯辣汁一流，既爽口，色澤靚。烏梅汁16山楂酸甜開胃又消濟，比一般餐飲優勝不少，很冰凍解渴，必點。食後感：店子寬落，坐得ok舒服，出品也不用等太久，很適宜中環區的打工仔中午來吃哎！價性比高😋P.S. 價錢和出面差不多，中環區來說認真實惠了，大喜在附近上班的我又多一個食面新選擇。

每天在中環上班, 快餐吃得太多, 偶然要優待一下自己, 恰好這天想吃較清淡的麵食. 便想起這裡的美人湯底. 由便宜至$8, 又或$28的貴價食材均有, 食材以台式為主. 平常吃慣港式車仔麵, 台式日後可以嚐試不同組合. 桌上有很好吃的辣菜甫. 點了招牌養心麵, 麵底用的是台灣關廟麵, 另加濃湯魚膠. 裡頭有水蓮, 貢丸, 鴨血, 糖心蛋, 滷豬腳湯頭清, 喝起來清甜而且相當順口. 有烏雞的鮮味. 糖心蛋做得不錯. 台灣關廟麵的質地跟常吃的幼身上海麵有一點相似, 像這個清新的湯底不太需要掛湯. 炆至極淋極淋, 充滿骨膠原的台式滷豬腳, 一碗內無論有多少塊都不夠. 湯頭清浙, 鮮甜, 不難把湯一掃而空, 甚至再喝半碗都可以. 因為加了魚膠的關係, 價格接近$100, 若以香港少見的台式車仔麵來說, 雖略貴但值得一吃. 

台式滷水溏心蛋肉燥飯 ($48) +杞子菊花圓肉露 (+$18/支)雖然養心麵招牌其實係湯麵，但我一直想試下佢哋嘅肉燥飯 ☺️ 見到好評不絕 😙 覺得一間專食麵嘅餐廳連飯料理都做得唔錯必然有佢嘅過人之處 😆 肉燥飯呢個價錢系非常非常非常抵食!! 🤗 皆因佢其實係真係好大碗，飯粒夠濕潤，肉燥汁同肉燥嘅份量都俾得好足，真係鋪面晒飯嘅面頭 😍 肉燥非常暖身 😌 凍嘅時侯食一流。隻溏心蛋不得了，流心非常標準，蛋黃呈半熟狀，撈飯食令飯粒更加滑溜～仲有啲日式風味添見有支好似幾滋潤嘅飲品，食到口乾乾決定加錢嗌支，入口甘甜 😗，都幾濃郁吓，其實幾啱送濃味嘢可以清吓味蕾 👅，但怕苦嘅人可能覺得麻麻哋

沒在中環工作後，已經很少來這邊吃東西，更不知原來開了很多新食店。開會的關系，今天來到中環，朋友說一定要到這家麵店試試，說湯底跟火鍋養生殿的一樣。那好吧！既然都來了，也沒有不試的理由。選項說多不多，不過都挺有特色的。我選了新竹米粉，因為真的不多地方吃得到，就是台式食店也不一定有哦！配料方面：麻辣鴨血是少不了的！不過還是沒台灣的厚實！口感還是有差！至於辣，也沒有說很辣。冰豆腐錯不了！用來吸收湯底，一吃就個湯底好不好喝！果然！夠濃！好喝！雞翼尖是鹵水的，非常入味！三個餸略為不夠喉！下次要點4個。總結：平價嚐火鍋滋味！抵食抵食！

呢幾日落雨天☔️病病地唔係幾好胃口想自己靜靜地食啲清淡野即刻諗到呢間4點來到都唔算好多人座位不算太多，上次1點午飯來要等位個美人湯食完不會口渴而且個蟹柳好食😚

養心殿火鍋就食過啦，養心麵唔知係咪同一家集團呢？先嚟美人湯底，見到有骨膠啫哩，飲落就淡茂茂。蘿蔔太甜，魷魚無味，A菜正常，滷蛋唔夠入味。蠔仔唔腥，但亦無鮮味。辣湯底相對當然重味些，但作為車仔麵的湯底，這個湯毫無重點，無靈魂般。鴨血嫩滑，魚蛋粉散，大腸無味。關廟麵軟身爽口，如果配到好湯應該是不錯的。車仔麵，有性格嘅湯底十分重要，客人一喝便上癮。車仔餸唔係就咁白灼就得了吧？每款的滷煮入味都各有不同，但又再和湯底滆合回一起。

本身唔係去呢間餐廳度食飯，行過見到又諗起養心殿就俾佢吸引入咗去食。Lunch hour時間啱啱唔算好多人排隊，唔駛等就入咗去坐，好似有兩層，下層啲位都算闊落。我叫咗安格斯牛腩，牛展，佢推介嘅蘭花捲，凍豆腐同豆皮。蘭花卷其實同豆腐卜一樣，牛腩牛展都好林， 算入味。嘢飲我要左碟豆花檸檬，個味都幾特別，好重碟豆花味。不過有小插曲，起初上個時，佢唔記得落麻辣。味道唔錯，可以一試。100蚊一個車仔麵始終有啲貴。