影片
更多
2007-10-12
12 浏览
宵夜时段荃湾有不少好的糖水舖、小店同茶餐厅，但似模似样的餐厅，能够开到凌晨后的实在唔多。今次黎呢度开饭，都系呢个原因。帮朋友搞生日会楝左呢度。先讲环境，有tv（应该系可以睇波）。天花高高两面落地玻璃，内笼应该唔错，弊在个别位置ge灯光有问题，建议餐厅有时间调校一下上面石英灯的照射位置，切勿乱照一通。荃湾就有间本来唔错的餐厅，最后死在自己的灯光下。洗手间干净，但又系好暗，独自如厕，出现了自己反映在四边四面黑墙的幽幽反光，怕黑者会有点恐惧。回到餐饮方面啦！主菜牌菜色中上级价钱：串烧拼盘8串任拣（$108、单叫每串$15-17）但10点后e+做66折；普通饮料每杯21-23，无得折，唔大杯，幸好叫定食有买一送一，整体为起都ok啦。招牌菜「霜降烧牛柳」（$68），一碟6块，3-4 mm厚、八逹通咁大，冰镇上枱，两成熟，怕生的朋友会较难接受；当刺身咁点日本酱油、芥末、蒜茸食，唔会过勒但有咬口，无血水，外面炭火烧熟的部分尚有烧烤香味，可以一试。定食叫左烧羊肉、烧豚肉、仲有其他定食d因为人地叫又黑得滞睇唔真系乜。有部分烧得火候适中，外香内软（豚肉有好香的肥肉，戒脂肪者勿点）。但又有一半系干哂，好似赵
帮朋友搞生日会楝左呢度。
先讲环境，有tv（应该系可以睇波）。天花高高两面落地玻璃，内笼应该唔错，弊在个别位置ge灯光有问题，建议餐厅有时间调校一下上面石英灯的照射位置，切勿乱照一通。荃湾就有间本来唔错的餐厅，最后死在自己的灯光下。洗手间干净，但又系好暗，独自如厕，出现了自己反映在四边四面黑墙的幽幽反光，怕黑者会有点恐惧。
回到餐饮方面啦！主菜牌菜色中上级价钱：串烧拼盘8串任拣（$108、单叫每串$15-17）但10点后e+做66折；普通饮料每杯21-23，无得折，唔大杯，幸好叫定食有买一送一，整体为起都ok啦。
招牌菜「霜降烧牛柳」（$68），一碟6块，3-4 mm厚、八逹通咁大，冰镇上枱，两成熟，怕生的朋友会较难接受；当刺身咁点日本酱油、芥末、蒜茸食，唔会过勒但有咬口，无血水，外面炭火烧熟的部分尚有烧烤香味，可以一试。
定食叫左烧羊肉、烧豚肉、仲有其他定食d因为人地叫又黑得滞睇唔真系乜。有部分烧得火候适中，外香内软（豚肉有好香的肥肉，戒脂肪者勿点）。但又有一半系干哂，好似赵胶咁。配菜、味噌汤、小碟和定食的日本饭都好吃。如果佢能够配日本绿茶就最好啦！
厨师推介，叫左个海鲜烧饼（$58）同素菜天妇罗（$38，6片），前者材料同味道似筑地烧墨鱼丸，后者南瓜细块左少少，蕃薯好味！呢两碟，无得折。
生日：经理竟然亲手捧上生日蛋糕，唱埋歌搞气氛、寿星妹仲话听到餐厅中断左音乐，转播生日歌添！每人加5蚊切饼费，价值就响呢树。
食到打包走人，5个埋单$557。若果无66折，平时我地真系未必黎架。
张贴