元八拉麵 (已結業)

今日中午去咗铜锣湾时代广场行街街，顺便喺地库美食广场Cooked Deli食埋个午饭；见到有间叫做“元八拉面”嘅日本拉面店于是就去试一试。其实都预咗喺香港好难食到真正嘅日本拉面，所以心目中亦无抱太大期望~~~今次叫咗个金泽猪骨拉面加吉列炸虾套餐：金泽猪骨拉面 - 内有一块薄叉烧，不太肥腻，唔错；拉面软硬适中，面质几爽；鲜甜荀数件，配上芽菜同粟米粒；可惜猪骨汤底没甚猪骨味，但仍香浓；整体上份量足，可以一试~~~吉列炸虾 - 卖相虽然同食物模型差好远，但呢个吉列炸虾仍可说得上是外脆内嫩，口感佳，有一定水准。随套餐奉送一杯清绿茶~~~同心中预计一样，没有惊喜，但质素仍属有水准，当然同真正嘅日本拉面仍然有一段距离。今餐共$55，抵唔抵食真系见仁见智。